Асноўная частка крэдыту Беларусі ў 500 млн даляраў пойдзе на доўг перад «Газпрамам»

Большая частка крэдыту ў $500 мільёнаў, які Беларусь атрымае па лініі Еўразійскага фонду стабілізацыі і развіцця (ЕФСР), пойдзе на пагашэнне доўгу ў $330 мільёнаў перад расійскім «Газпрамам».

Пра гэта заявіў міністр фінансаў Расіі Антон Сілуанаў у інтэрв'ю праграме «Масква. Крэмль. Пуцін» на тэлеканале «Расія-1», піша «Свабода».

Раней Сілуанаў паведаміў журналістам, што Расія прадаставіць Беларусі крэдыт у два этапы — $1 мільярд у 2020 годзе і яшчэ $500 мільёнаў у 2021 годзе.

Пры гэтым у 2020 годзе палова крэдыту ($ 500 мільёнаў) будзе прадстаўлена па лініі ЕФСР, а другая палова — пры дапамозе міждзяржаўнага крэдыту. Для яго выдзялення патрэбныя заканадаўчыя папраўкі. Як толькі яны будуць прынятыя, пачнецца праца па прадстаўленні крэдыту.

NN.by

Хочаш падзяліцца важнай інфармацыяй
ананімна і канфідэнцыйна? Пішыце рэдактару
«Нашай Нівы» ў ТГ

0

0

0

0

0

0