Людзі ў балаклавах супраць жанчын. Амаль 400 затрыманых на Маршы ў Мінску ВІДЭА, ФОТА 

Сённяшні марш быў заяўлены як «бліскучы» — жанчын заклікалі прыходзіць на яго ў яскравай вопратцы, з яскравымі транспарантамі, упрыгожыўшы сябе бліскавінкамі.

Збор адбываўся а 15-й на Камароўцы.

Прыкладна 2000 дэманстрантак прайшлі вуліцамі Харужай, Багдановіча, Сурганава.

Каля ГЦ «Айсберг» да калоны пад'ехалі аўтазакі з сілавікамі. Яны адцяснілі жанчын да будынка і затрымалі амаль 400 удзельніц маршу. Трапіла ў аўтазак нават 73-гадовая Ніна Багінская.

Такім чынам, агульная колькасць затрыманых пасля выбараў 9 жніўня перавысіла 10 500 чалавек.

А ад пачатку прэзідэнцкай кампаніі — каля 11 800 чалавек.

Жанчыны, якія засталіся на волі, сталі ў ланцуг салідарнасці ўздоўж вуліцы Сурганава. 

Фота Надзеі Бужан

Хочаш падзяліцца важнай інфармацыяй
ананімна і канфідэнцыйна? Пішыце рэдактару
«Нашай Нівы» ў ТГ

0

0

0

0

0

0