Даслаць навіну
Знайсці
27.08.2020 / 11:47

Стоп-фэйк. БТ і Каранік кажуць, што «Голас» налічыў Лукашэнку 62—63%

У вечаровай «Панараме» за 26 жніўня з’явілася новая рубрыка — «іранічны» каментар карэспандэнткі Марыі Пятрашкі. Яе маналог адзначыўся грубым фэйкам.

«Ініцыятыва «Голас», створаная аб’яднаным штабам, хоць і апрацавала толькі частку агульнай колькасці бюлетэняў, але і там лідзіруе Аляксандр Лукашэнка! То-бок атрымліваецца, што кандыдатаў многа, рахункаводаў многа, а прэзідэнт адзін», — заявіла Марыя Пятрашка. На экране ў гэты час дэманстравалася лічба 61,7%.

Павялічыць

Падобныя лічбы назваў і экс-міністр аховы здароўя, старшыня Гродзенскага аблвыканкама Уладзімір Каранік падчас сустрэчы на «Гродна-Азоце». «Колькі платформа «Голас» паказала за Аляксандра Рыгоравіча? 63%, па-мойму», — заявіў ён пад смех залы.

А што ў рэальнасці? Стваральнікі платформы «Голас» сцвярджаюць, што маюць 1 047 933 правераных галасоў. Гэтыя ўнікальныя мабільныя нумары, якія зарэгістраваліся ў сістэме і выбралі таго ці іншага кандыдата. 96% з іх дэкларавалі, што галасуюць за Ціханоўскую. За Лукашэнку — толькі 0,96%.

Калі ўлічваць толькі дасланыя фота бюлетэняў — а Марыя Пятрашка кажа менавіта пра «апрацаваныя бюлетэні», — сітуацыя змяняецца непрынцыпова. Дасланы 554 881 бюлетэнь з голасам за Ціханоўскую (98%) і 681 бюлетэнь за Лукашэнку (0,12%).

Адкуль жа ўзялася лічба «61,7%»? Столькі нібыта набраў Лукашэнка, калі суміраваць пратаколы з 1310 участкаў, якія аказаліся ў распараджэнні «Голаса». 

Але стваральнікі платформы адзначаюць, што гэты вынік не можа лічыцца праўдзівым, бо ёсць доказы фальсіфікацый на мінімум 400 участках з гэтых 1310.

Колькасць дасланых бюлетэняў за Ціханоўскую на гэтых участках перавышае лічбу, запісаную ў пратакол.

БЮ

Хочаш падзяліцца важнай інфармацыяй
ананімна і канфідэнцыйна?

Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2020 2021 2022
снежань студзень люты
ПН АЎ СР ЧЦ ПТ СБ НД
1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31