Знайсці
15.08.2020 / 15:353РусŁacБел

У Гродне 10 тысяч мітынгоўцаў перадалі ўладам зварот з патрабаваннем неадкладнай адстаўкі Лукашэнкі

У Горадні на плошчы Леніна да 15 гадзін сабраліся каля 10 тысяч чалавек зь бел-чырвона-белымі сьцягамі, балёнікамі, плякатамі «Лукашэнку ў адстаўку».

Людзі скандуюць «Лукашэнка, сыходзь!» Прадстаўнік прыватнай кампаніі «Тэразіт» заклікаў гарадзенцаў да італьянскага страйку (калі людзі працуюць вельмі марудна), страйкаў, а таксама насіць белыя бранзалеты.

Гарадзенцы занесьлі свае патрабаваньні ў гарвыканкам. Гэта зварот аб’яднанага штаба Сьвятланы Ціханоўскай, Віктара Бабарыкі і Валера Цапкалы. Пад ім пачалі падпісвацца калектывы горадзенскіх прадпрыемстваў, грамадзкія арганізацыі, дэмакратычныя сілы.

Патрабаваньні зачыталі са сцэны на мітынгу на плошчы Леніна ў Горадні.

У звароце заклік да «неадкладнай адстаўкі» Аляксандра Лукашэнкі, кіраўнікоў МУС і АМАП, адстаўкі і арышту старшыні ЦВК, вызваленьня палітвязьняў. У звароце таксама заклік ставарыць Раду народнага даверу Горадні з удзелам уладаў, гарантаваць свабоду сходаў.

Радыё Свабода

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера