У Мінску супрацоўніка ДАІ збілі і пракацілі на капоце

У цэнтры Мінска супрацоўніка ДАІ збіла машына і пракаціла на капоце, паведамляе МУС.

Інцыдэнт адбыўся сёння каля 20.00 на скрыжаванні Мельнікайце і Пераможцаў.

«45-гадовы мужчына, кіруючы аўтамабілем «Шкода», здзейсніў наезд на супрацоўніка ДАІ. Кіроўца паспрабаваў схавацца з месца здарэння, але неўзабаве яго затрымали. Для спынення транспартнага сродку супрацоўнікі Дзяржаўтаінспекцыі ўжылі табельную зброю», — патлумачыла прэс-сакратар МУС Вольга Чамаданава.

Супрацоўніку ДАІ аказалі медыцынскую дапамогу, ён дастаўлены ў бальніцу.

NN.by

Хочаш падзяліцца важнай інфармацыяй
ананімна і канфідэнцыйна? Пішыце рэдактару
«Нашай Нівы» ў ТГ

0

0

0

0

0

0