Пятро Пятроўскі пра апазіцыю: Ніводную сацыялагічную службу не падключылі. Хто ім забараняе?
Пятро Пятроўскі, фота Надзеі Бужан
Праўладны эксперт, навуковы супрацоўнік Інстытута філасофіі Акадэміі навук Пятро Пятроўскі ў эфіры «Беларусь 1» абурыўся тым, што апаненты Аляксандра Лукашэнкі не правялі ніводнага сацыялагічнага апытання.
«Паглядзіце, яны ніводную сацыялагічную службу не падключылі. Хто ім забараняе? Ніхто. У вас жа мільёны даляраў ёсць… Колькі ў нас сацыялагічных служб? Па-мойму, тры альбо чатыры. Калі ласка, заключайце дамову і давайце», — заявіў эксперт, які не ведае, што насамрэч акрэдытаваныя дзевяць арганізацый. Восем з іх дзяржаўныя, і адна прыватная, «Экаом», праўладнага сацыёлага Сяргея Мусіенкі.
«Таму што 3% не атрымаецца», — заўсміхаўся старшыня Белтэлерадыёкампаніі Іван Эйсмант
«Ну так», — пагадзіўся Пятро Пятроўскі.
Чытайце таксама: Беларускім СМІ забаранілі праводзіць інтэрнэт-апытанні аб рэйтынгу Лукашэнкі
