Знайсці
06.08.2020 / 10:366РусŁacБел

Facebook упершыню выдаліў допіс Трампа пра каранавірус. Ён казаў, што дзеці менш успрымальныя да яго

Кіраўніцтва сацыяльнай сеткі Facebook выдаліла публікацыю прэзідэнта ЗША Дональда Трампа як шкоднасную інфармацыю аб новым каранавірусе. Адпаведную заяву прадстаўніка кампаніі Facebook Эндзі Стоўна прыводзіць у сераду ўвечары тэлекампанія CNN.

Гаворка ідзе пра відэазапіс, які змяшчае ўрывак з інтэрв'ю Трампа тэлеканалу Fox News, якую ён апублікаваў на сваёй старонцы. У гэтым фрагменце прэзідэнт ЗША настойвае на тым, што дзеці школьнага ўзросту валодаюць практычна абсалютным імунітэтам да выкліканага інфекцыяй захворвання.

«Гэта відэа змяшчае сцвярджэнні аб тым, што група людзей не схільная да COVID-19, — гаворыцца ў заяве прадстаўніка Facebook. — Гэта з'яўляецца парушэннем нашай палітыкі ў дачыненні да шкоднаснай інфармацыі, якая тычыцца каранавіруса». Праз некаторы час кіраўніцтва іншай сацыяльнай сеткі — Twitter — таксама выдаліла аналагічную публікацыю амерыканскага лідара.

У пачатку сакавіка кіраўнік Facebook Марк Цукерберг заявіў, што сацыяльная сетка выдаляе лжывую інфармацыю аб распаўсюдзе каранавіруса і «тэорыі змоваў», а таксама блакуе рэкламныя аб'явы кампаній, якія спрабуюць выкарыстоўваць сітуацыю ва ўласных мэтах.

NN.by

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера