Заўтра на Бангалоры будуць спяваць Саладуха і Жанет

У чацвер, 6 жніўня, у парку Дружбы народаў кандыдат у прэзідэнты Святлана Ціханоўская збіралася правесці вялікі канцэрт-мітынг. Там павінны былі выступіць Volski, J:Мors, Nizkiz, Tor Band, «Крама».

Але там збіраюцца правесці ўласнае мерапрыемства ўлады, адзначыўшы Дзень чыгуначных войскаў. У парк прыедзе выстава ваеннай тэхнікі, выступіць калектыў песні і танца Узброеных сіл.

Мінск-навіны паведамляюць, што плануецца таксама выступ арт-групы «Беларусы», «Песняроў», а таксама Жанэт, Аляксандры Гайдук і Аляксандра Саладухі.

NN.by

Хочаш падзяліцца важнай інфармацыяй
ананімна і канфідэнцыйна? Пішыце рэдактару
«Нашай Нівы» ў ТГ

0

0

0

0

0

0