Знайсці
04.08.2020 / 13:233РусŁacБел

Чэмпіёнка свету Надзея Астапчук расказала, калі канчаткова расчаравалася ў Лукашэнку

Чэмпіёнка свету і Еўропы па лёгкай атлетыцы Надзея Астапчук распавяла ў чарговым выпуску YouTube-канала «Жыццё-маліна», чаму 10 гадоў таму адмовілася здымацца ў агітацыйным роліку ў падтрымку Аляксандра Лукашэнкі.

— У 2010 годзе мне патэлефанавалі з Адміністрацыі прэзідэнта і прапанавалі зняцца ў роліку ў падтрымку Лукашэнкі. Я сказала, што планую галасаваць за іншага кандыдата. Будзе непрыгожа, калі я аддам голас аднаму, а ў роліку падтрымаю іншага. Мне было б няёмка перад сабой. Я адмовілася.

— Былі наступствы?

— Перасталі запрашаць на розныя мерапрыемствы, але я з гэтай нагоды не моцна перажывала.

Астапчук таксама заявіла, што ніколі не падтрымлівала дзейнага прэзідэнта, а канчаткова расчаравалася ў ім пасля рэферэндуму 2004 года, у выніку якога Аляксандр Лукашэнка атрымаў права абірацца неабмежаваную колькасць разоў.

На выбарах гэтага года Надзея мае намер галасаваць за Святлану Ціханоўскую.

NN.by

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера