Аляксандр Лукашэнка звярнуўся з пасланнем да парламента і народа
Ад 12-й гадзіны прэзідэнт Беларусі Аляксандр Лукашэнка звяртаецца з пасланнем да парламента і народа. БТ вядзе трансляцыю з Палаца Рэспублікі. Яе можна глядзець анлайн на сайце Tvr.by або ў Ютубе.
Першае, што кінулася ў вочы — БТ, калі Лукашэнка ішоў на сцэну, спачатку паказвала яго здалёк, а потым адвяло камеру на залу.
Акрамя таго, гледачы звярнулі ўвагу на тое, што Аляксандр Лукашэнка часта выціраў пот з твару.
Змястоўна пасланне Аляксандра Лукашэнкі не адрознівалася ад пасланняў папярэдніх гадоў.
Перад выступам Аляксандра Лукашэнкі ў навінах БТ далі слова розным дэпутатам, якія расказалі, чаго яны чакаюць ад наступных пяці гадоў — яны гаварылі пра рост заробкаў, дасягненне станоўчага замежнагандлёвага сальда, разняволенне творчай і эканамічнай ініцыятывы і наданне людзям магчымасці ўдзельнічаць у прыняцці дзяржаўных рашэнняў.
