Даслаць навіну
Знайсці
29.07.2020 / 14:19 22

Работніца «Віталюра» паказала, з чаго гатуюць у кулінарыі. Крама: Праводзім праверку

Павялічыць

Фота з кухні «Віталюра» па адрасе Казіміраўская, 35

Любоў Ермакова адпрацавала ў кулінарыі «Віталюра» толькі тры месяцы. Увогуле, яна прадпрымальніца, але яе турбізнэс спыніўся праз пандэмію каранавіруса і яна вымушана пайшла на працу ў сетку супермаркетаў.

1 ліпеня на сваёй старонцы ў фэйсбуку жанчына напісала:

«Сёння мы гатавалі:

  • смажанкі з калбасных абрэзкаў, якія сохлі на вітрыне. Іх абрэзалі, асвяжылі, і гэтае асарці мы нарэзалі на смажанкі;
  • аладкі з пратэрмінаванага малака, якое ўжо падкісла, і тэрмін яго смерці — тыдзень;
  • чэбурэкі з фаршу, які накалупалі з галубцоў, што шмат часу стаялі і не прадаваліся;
  • аладкі з мясам мы зрабілі са зваранага на костцы мяса, якое абветрылася, сапсавалася і чакала апошняга дня;
  • сапсаваныя мясныя прадукты кіраўніцтва прапанавала нам перакруціць у фарш».

Павялічыць

Фота з фэйсбука Любові Ермаковай

Любоў таксама напісала пра мышэй і тараканаў у кулінарным цэху «Віталюра». Пасля публікацыі ўсіх допісаў жанчына паехала разбірацца ў сітуацыі ў галоўны офіс. 

Павялічыць

«Я абуралася як работнік і кліент гэтай сеткі, што арганізацыя гучна кажа пра якасць і прыклад №1 для пакупнікоў, а па факце я перарабляю сапсаваныя прадукты, скуру, косткі і кілбасныя абрэзкі з мясной вітрыны, — расказала «Нашай Ніве» Любоў. — І гэта праблема не асобна нашай крамы, а ўсёй сеткі. Тут няма актаў спісання прадукцыі». 

Любоў расказвае, што намеснік дырэктара пацвердзіў ёй, што цяпер кіраўніцтва прыходзіць да думкі, што трэба ўсё ж такі рабіць дакументацыю аб спісанні сапсаванай прадукцыі.

«Але што насамрэч у нас усё так дрэнна, ён не ведаў. Папрасіў нумар крамы і сказаў, што будзе праверка».

Потым Любоў пагутарыла і з дырэктарам крамы, у якой яна працавала, па адрасе Казіміраўская, 35, і з намеснікам вытворчасці, начальнікам і намеснікам кулінарнага цэха. 

«Яны ўсе мне казалі, што інакш, на жаль, працаваць немагчыма, бо ў іх ёсць паказчыкі высокай эфектыўнасці ад галоўнага офіса, то-бок спісання прадукцыі наогул не павінна быць».

Павялічыць

Пасля размяшчэння допісаў пра кулінарыю «Віталюра» ў фэйсбуку Любоў яшчэ планавала дапрацаваць на кухні крамы апошні месяц, каб у кулінарыі паспелі абраць новага супрацоўніка. Але, па словах Любові, кіраўніцтва ўбачыла гэтыя допісы і папрасіла яе звольніцца адразу.

А што кажуць у «Віталюры»?

«Наша Ніва» папрасіла «Віталюр» пракаментаваць выказванні былой супрацоўніцы. Мы спыталі пра абставіны з пратэрмінаванай прадукцыяй у кухні і прысутнасць у цэхах паразітаў.

«Канечне ж, мы не гатуем прадукцыю ўласнай вытворчасці з пратэрмінаванай сыравіны, — запэўніваюць у «Віталюры». — Цяпер праводзіцца дэталёвая праверка па ўсіх апісаных былой супрацоўніцай працэсах з кантролем руху тавару з моманту яго паступлення ў гандлёвы аб’ект да дня яго рэалізацыі.

Наконт прысутнасці ў цэхах паразітаў хочам паведаміць, што намі штогод заключаецца дамова на аказанне паслуг па дэзынфекцыі з УП «Цэнтр прафілактычнай дэзынфекцыі». Паслугі аказваюцца па дзейнай дамове ў поўным аб'ёме і згодна з зацверджаным графікам у дачыненні да насякомых і грызуноў з прымяненнем неабходных сродкаў.

У выпадку паступлення зваротаў на неадпаведную якасць прадукцыі мы знаходзім усіх пакупнікоў, якія набывалі дадзены тавар у гэты дзень, і праводзім апытанне, ці задаволеныя яны якасцю тавару».

Як менавіта ў «Віталюры» знаходзяць усіх пакупнікоў для апытання, «Нашай Ніве» не адказалі.

«Калі нараканняў няма, дадзены зварот расцэньваецца як адзінкавы выпадак і пакупніку проста вяртаюцца выплачаныя за тавар грошы. Калі сярод апытаных ёсць пакупнікі, нездаволеныя якасцю тавару, ім таксама вяртаюцца грошы, а адносна прадукцыі праводзіцца расследаванне і карэкцыйная работа.

Для кожнага гандлёвага аб'екта, у залежнасці ад яго фармату, вызначаны нормы спісання прадукцыі, на падставе якіх крамы па акце ўтылізацыі спісваюць нерэалізаваную прадукцыю».

Ксенія Вядзмедзь

Хочаш падзяліцца важнай інфармацыяй
ананімна і канфідэнцыйна?

7
elizar / адказаць
31.07.2020 / 10:34
Дёрнуло меня купить шашлык из курицы в виталюре два по цене одного. Был в шоке, когда открыл ведро. Курицу разделали как она есть. Хребет, все кости, горло... И да, на ведре было честно написано как-то что все из цельной курицы. Без отходов. Больше я его не покупаю- не собака, чтоб есть огрызки.
8
Вода / адказаць
31.07.2020 / 10:37
Собственное производство рыбы просто ужас!селёдка ржавая,скумбрия разваливается.магазин очень испортился,я понимаю что продавцы ни причем,но и мои деньги не фантики от конфет
0
ЯНКА / адказаць
31.07.2020 / 13:39
★ Аська98 (02:23), гэта дзе такія назвы? :) ★
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2019 2020 2021
ПН АЎ СР ЧЦ ПТ СБ НД
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31