Пуцін заявіў, што расійскі флот хутка атрымае гіпергукавую зброю
Міністэрства абароны Расіі 26 ліпеня заявіла, што хутка завершаць дзве новыя сістэмы ўзбраення для ваенна-марскога флоту. Сёння ў Расіі адзначаюць Дзень ВМФ.
Гаворка ідзе пра гіпергукавы ракетны комплекс «Цыркон» і ядзерныя беспілотныя падводныя апараты «Пасейдон». Выпрабаванні «Цырконаў» і «Пасейдонаў» ужо правялі.
Заяўлена, што ракета «Цыркон» можа паражаць цэлі на далечыні больш за тысячу кіламетраў з хуткасцю ў 9 разоў большай за хуткасць гуку.
«Унікальныя перавагі і павышэнне баявых магчымасцяў флоту будуць дасягацца за кошт шырокага ўкаранення перадавых лічбавых тэхналогій, якія не маюць аналагаў у свеце гіпергукавых ударных комплексаў, беспілотных і падводных апаратаў, за кошт самых эфектыўных сродкаў абароны», — прыводзіць цытату Пуціна Інтэрфакс.
