Юрый Дракахруст даў прагноз, якім будзе вынік выбараў
Палітычны аглядальнік Радыё Свабода Юрый Дракахруст спрагназаваў вынікі выбараў 9 жніўня. Пра гэта ён паведамляе ў інтэрв'ю свайго радыё. Сёння сп. Юрый святкуе дзень народзінаў.
«На выбарах Лукашэнка атрымаў, паводле афіцыйных дадзеных, каля 80% з афіцыйнай яўкай 85%. Другое месца — у Канапацкай, трэцяе — у Ціханоўскай.
Плошча, якая аказалася меншай, чым у 2010 годзе, разагнаная, але без крымінальных справаў супраць удзельнікаў. Забітых падчас разгону няма.
Бабарыка і Ціханоўскі атрымліваюць мінімальныя тэрміны па крымінальных артыкулах.
Іншых, прыцягнутых да крымінальных справаў, альбо вызваляюць, альбо даюць умоўныя тэрміны.
Захад асуджае парушэнне правоў чалавека і несвабодныя выбары, аднак санкцыяў не ўводзіць.
Лукашэнка не падпісвае інтэграцыйныя «дарожныя мапы» з Расіяй.
Гэта — прагноз паводле трэнду, з улікам як ацэнкі пратэставага патэнцыялу, гэтак і майго разумення планаў улады. У маі, магчыма, адказ на гэтае пытаньне быў бы іншым. Магчыма, 8 жніўня ён будзе іншым».
