Мінздароўя пракаментавала інфармацыю пра шкоду хларахіну
Мінздароўя ў сваім тэлеграм-канале пракаментавала ранейшую інфармацыю пра шкоду хларахіну.
«Аўтары аналізу гідраксіхларахіну (HCQ), апублікаванага ў The Lancet, і даследавання сардэчна-сасудзiстых захворванняў у Медыцынскім часопісе Новай Англіі (NEJM) адклікалі абодва даследаванні. Прадстаўнікі часопісаў патлумачылі свае дзеянні бояззю ў дакладнасці інфармацыі, прадстаўленай Surgisphere Corporation, — гаворыцца ў паведамленні. — Пасля таго як незалежныя рэцэнзенты не змаглі праверыць ключавыя даныя кампаніі і пацвердзіць вынікі даследаванняў, аўтары вымушаны былі адклікаць артыкулы».
Гэта падзея адбылася неўзабаве пасля таго, як спецыялісты выказалі занепакоенасць з нагоды базы звестак Surgisphere, якая ляжыць у аснове гэтых даследаванняў. Як высветлілася, заснавальнік кампаніі Сапан С. Дэсаі, доктар медыцынскіх навук, быў сааўтарам абодвух артыкулаў. Спецыялісты прааналізавалі гісторыю публікацый Дэсаі і выявілі некалькі папярэджанняў аб неналежным правядзенні даследаванняў. Адзначым, што СААЗ аднавіў дазвол на правядзенне тэставання гідраксіхларахіну як лекавага сродку пры COVID-19.
Што тычыцца беларускіх дактароў, то, як адзначае галоўны пазаштатны спецыяліст Міністэрства аховы здароўя па інфекцыйных хваробах Ігар Карпаў, «хоць публікацыя і была адкліканая, яна паслужыла пэўным сігналам для ўзмацнення кантролю пры лячэнні пацыентаў хларахінам і гідраксіхларахінам. Цяпер вельмі высокая публікацыйная актыўнасць, якая тычыцца пытання. Уся інфармацыя, якая публікуецца ў навуковай прэсе, уважліва адсочваецца беларускімі дактарамі-практыкамі і прадстаўнікамі навуковай грамадскасці.
Па вопыце выкарыстання гідраксіхларахіну (дарэчы, дакладны маніторынг за станам пацыентаў пры яго выкарыстанні праводзіцца з першых прызначэнняў) склалася, у цэлым, станоўчае ўражанне.
Гэта тычыцца як паляпшэння самаадчування, так і лабараторных паказчыкаў. Па меры назапашвання звестак могуць быць унесены пэўныя карэктывы. А цяпер актуальным з'яўляецца адказны маніторынг стану пацыентаў, якія атрымліваюць гэтыя лекавыя сродкі».
