Лукашэнка — членам урада: Сёння трэба выратаваць тое, што пабудавалі. Ці тое яшчэ будзе
БелТА
Лукашэнка заклікае новы склад урада прыйсці да працоўнага рытму ў самы кароткі тэрмін. Прымаючы сёння кадравыя рашэнні, ён звярнуўся да прысутных, піша sb.by.
«Вы ў тонусе ўсе. Калі хтосьці не ў тонусе, мы нададзім імпульс, каб вы былі ў тонусе. Для таго ж і шчупак у рацэ, каб карась не драмаў. Што я тут новага прыдумаў? На тое і прэзідэнт, каб трошкі падаваць нейкія імпульсы.
Пры гэтым ён падкрэсліў, што патрабаванне ўключыцца ў працу не азначае, што задачы будуць ставіцца празмерныя:
«Я ж разумею, як спартсмен, што нельга вас разагнаць да шалёнага тэмпу. Бо сэрца ў кагосьці можа не вытрымаць…
…І я не збіраюся тут займацца нейкім наскокам, каб камусьці галаву зламаць. Ды і час не той, каб сёння ламаць. Сёння нават не час будаваць. Сёння трэба выратаваць тое, што пабудавалі. Ці тое яшчэ будзе».
«Я адкрыта кажу народу, вам: з верталёта грошы раскідваць не будзем. У Амерыцы з'явіўся гэты тэзіс. Яны колькі заўгодна могуць надрукаваць валюты, але да гэтага часу Трамп не раскідвае «верталётныя» грошы нават пасля тых рэвалюцый, якія ахапілі ўсе Злучаныя Штаты Амерыкі. І калі хтосьці спрошчана на гэтую сітуацыю глядзіць, павінен вам сказаць: справа не толькі і не столькі ў тым, што там нахабна, беспардонна задушылі чалавека паліцыянты. Справа не ў гэтым. А ў тым, што пад 50 мільёнаў у квітнеючай Амерыцы беспрацоўных у выніку пандэміі. Уявіце: калі багатая Амерыка не можа справіцца, калі сёння побач багатая Расія не можа справіцца з гэтай хваробай, такія грошыкі маючы… Тады што нам? У нас што, у вашых ці маіх кулаках шмат грошай? Не. Таму выратаваць краіну і выйсці з гэтага становішча мы можам толькі дзякуючы сваёй дысцыпліне, сціснуўшы зубы, стрыманасці і скіраванню ўсяго народа на вырашэнне праблем», — сказаў Лукашэнка.