Экалагічнае бедства ў Расіі: у Нарыльску разлілася 21 тысяча тон нафтапрадуктаў

Агульная плошча забруджвання нафтапрадуктамі, якія разліліся на ЦЭЦ-3 у Нарыльску, склала 180 тыс. кв. м, піша tass.ru.

29 мая на тэрыторыі ЦЭЦ-3 АТ «Нарыльска-Таймырская энергетычная кампанія» у выніку прасадкі бетоннай пляцоўкі і разбурэння рэзервуара разлілося больш за 21 тыс.тон нафтапрадуктаў, якія трапілі ў грунт і водныя аб'екты ў раёне Надзеждзінскага металургічнага завода кампаніі «Нарыльскі нікель» і пацягнулі забруджванне і прычыненне шкоды навакольнаму асяроддзю.

Распачатыя тры крымінальныя справы. Затрыманы начальнік цэху ЦЭЦ-3, ён адмовіўся ад дачы паказанняў.

Нарыльская ЦЭЦ-3 працуе на прыродным газе, дызельнае паліва выкарыстоўваецца як рэзервовая крыніца.

NN.by

Хочаш падзяліцца важнай інфармацыяй
ананімна і канфідэнцыйна? Пішыце рэдактару
«Нашай Нівы» ў ТГ

0

0

0

0

0

0