Знайсці
03.06.2020 / 15:003РусŁacБел

Дзяўчына скрала сабаку. А бацькі забаранілі трымаць яго дома

Мінчанка звярнулася ў міліцыю з заявай аб знікненні сабакі. Жанчына гуляла з мопсам, зайшла ў краму, пакінуўшы жывёлу на вуліцы. Выйшла з крамы, а сабакі няма, паведамляе сталічная міліцыя.

Аператыўнікі, праглядаючы запісы відэаназірання, высветлілі асобу выкрадальніка. Ёю аказалася 17-гадовая студэнтка каледжа.

Было так. З крамы выходзіла кампанія маладых людзей. 17-гадовай дзяўчыне спадабаўся пакінуты на павадку мопс. Адвязаўшы сабаку, яна ўзяла гадаванца на рукі і панесла дадому.

Дзяўчына патлумачыла праваахоўнікам, што выкрадзеную сабаку яна аддала сваёй сяброўцы, паколькі бацькі забаранілі трымаць яе дома. Супрацоўнікі міліцыі гадаванца канфіскавалі і вярнулі законнаму ўладальніку.

NN.by

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера