Расійскі рубель амаль дасягнуў гадавога максімуму на таргах у Мінску

Расійскі рубель даражэе дзявятыя таргі запар. Сёння на таргах у Мінску ён вырас на 0,0303 (+0,88%) да 3,4795 за 100 адзінак.

Валюта ўсходняга суседа з 20 мая вырасла з 3,3319 беларускага.

Дарэчы, максімальна расійскі рубель каштаваў у гэтым годзе на таргах 12 лютага — 3,480 за 100 адзінак, а потым пачалося падзенне (найбольшае было ў сакавіку на фоне падзення цэнаў на нафту). 18 сакавіка 100 расійскіх рублёў каштавалі 3,1575 беларускага.

Даляр сёння апусціўся на 0,0027 да 2.3981.

Еўра знізіўся на 0,0002 да 2,6734.

NN.by

Хочаш падзяліцца важнай інфармацыяй
ананімна і канфідэнцыйна? Пішыце рэдактару
«Нашай Нівы» ў ТГ

0

0

0

0

0

0