Знайсці
02.06.2020 / 09:093РусŁacБел

Мінздароўя распавяло, колькі працягнецца бальнічны ў хворых на лёгкую форму COVID-19

Мінздароўя 21 мая прыняло загад №557 для ўдасканалення прынятых мер па сучаснай дыягностыцы і лячэнні пацыентаў з COVID-19. На сайце Міністэрства аховы здароўя сёння апублікаваны каментарый да дакумента.

Сярод іншага, загадам удакладненыя клініка-лабараторныя крытэрыі ўстанаўлення дыягназу COVID-19. Вызначаны групы пацыентаў, якія падлягаюць лабараторнаму абследаванню, апісаны парадак даследавання пры выпісцы і пераводзе.

Пацыентам з лёгкай і бессімптомнай формай COVID-19 тэставанне праводзіцца на 14-я суткі, і пры адмоўным выніку іх выпісваюць.

Калі ж у пацыента станоўчы вынік, то закрываць бальнічны ліст будуць на 21-ы дзень.

«У здаровага чалавека ў норме РНК каранавіруса вызначацца не павінна. Адпаведна, калі першасна выяўляецца пацыент (з праявай сімптомаў або без) з наяўнасцю РНК, то гэта сведчыць пра інфікаванне. Пры гэтым, як паказвае практыка, у вялікай колькасці пацыентаў рэшткі РНК-віруса пры ПЦР-дыягностыцы могуць выдзяляцца больш за месяц. Але досвед кітайскіх і іншых навукоўцаў паказвае, што гэта нежыццяздольны вірус, які не здольны інфікаваць кагосьці яшчэ.

Усе даследаванні паказваюць, што ўдалося вылучыць і атрымаць жыццяздольны вірус максімум праз 12 дзён ад моманту з’яўлення клінічных сімптомаў. Улічваючы, што бессімптомныя і лёгкія формы ў Беларусі тыпуюцца (многія краіны бессімптомныя формы наогул не лічаць), то паўстае пытанне аб тым, што наяўнасць РНК-віруса не сведчыць аб здольнасці заражаць», — патлумачылі прадстаўнікі ведамства.

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера