Беларускі хакеіст: У Яраслаўлі паставілі ўмову — ці прымаю грамадзянства Расіі, ці еду дадому. Я паехаў
Беларускі хакеіст Іван Драздоў у інтэрв'ю Tribuna.com распавёў пра тое, як яму ў свой час прапаноўвалі памяняць грамадзянства.
— Наколькі ведаю, у клубе табе прапаноўвалі змяніць грамадзянства, але і ты, і бацькі вырашылі не адмаўляцца ад беларускага пашпарта.
— Так, мы падумалі так: навошта браць расійскае грамадзянства, калі ёсць свая зборная, якая гуляе на топ-турнірах? Навошта ўсё мяняць? Зразумела, што не я самастойна прымаў рашэнне, мне гадоў-та было не так ужо шмат. Бацькі параіліся са мной, спыталі, ці хачу я гуляць з расійскім пашпартам. Шчыра скажу, ужо тады разумеў, што мяняць грамадзянства не хачу. Ды і бацькі потым сказалі, што не варта.
У выніку менавіта з-за таго, што я вырашыў не браць расійскі пашпарт, прыйшлося з'ехаць адтуль. У «Лакаматыве» паставілі такую ўмову: ці прымаю расійскае грамадзянства і застаюся, або па-ранейшаму беларус, але тады пакідаю клуб, еду дадому. Я абраў другі варыянт.
— У выніку да 20 гадоў ты паспеў згуляць за зборную Беларусі на чатырох чэмпіянатах свету. Гэта, вядома, крута.
— Значыць, прынялі правільнае рашэнне, — сказаў Драздоў.