У Віцебску котка замкнула сваю гаспадыню на балконе: жанчына клікала на дапамогу, размахваючы белай анучай
Жыхарка дома № 8 па Маскоўскім праспекце была замкнёнай на балконе шостага паверха па віне любімай коткі. Жанчына стаяла і махала белай анучай. Выпадковы мінак патэлефанаваў у МНС, паведамляюць Віцьбічы.
Раніцай 28 мая віцебскія ратавальнікі выязджалі на незвычайнае здарэнне — нейкі чалавек тэлефанаваў у службу 101 і паведаміў, што бачыць на балконе шматпавярховіка жанчыну, якая просіць аб дапамозе. Ратавальнікі падняліся на балкон па пад'ёмнай лесвіцы, адчынілі дзверы і ўпусцілі гаспадыню ў кватэру.
Як высветлілася, жанчына выйшла на балкон, а яе котка выпадкова скокнула на дзверы і, павярнуўшы ручку, зачыніла яе знутры. Жыхарка абласнога цэнтра вельмі ўдзячная выратавальнікам за дапамогу ў цяжкай сітуацыі.
0
0
0
0
0
0
Каментары
Каб пакінуць каментар, калі ласка, актывуйце JavaScript у наладах свайго браўзера
На Вольгу Бондараву падалі ў суд
 2
Каб скарыстацца календаром, калі ласка, актывуйце JavaScript у наладах свайго браўзера