Знайсці
28.05.2020 / 08:293РусŁacБел

У Гродне спрабавалі абмяняць тысячу зімбабвійскіх даляраў пад выглядам тысячы еўра

Адну тысячу даляраў Зімбабвэ паспрабавалі ператварыць у купюру еўра аналагічнага наміналу: рэдкую фальшыўку даследавалі гродзенскія эксперты. Аб гэтым БелТА паведамілі ва ўпраўленні Дзяржаўнага камітэта судовых экспертыз па Гродзенскай вобласці.

Фота ДКСЭ.

У адным з банкаў 65-гадовы мясцовы жыхар паспрабаваў абмяняць купюру наміналам у 1 тыс. еўра. Банкнота выклікала сумневы ў супрацоўніцы банка, яна паведаміла ў міліцыю. Купюру канфіскавалі.

Эксперты высветлілі, што купюра з'яўляецца грашовым білетам рэзервовага банка Зімбабвэ наміналам 1000 даляраў узору 2007 года.

«Умельцы» змянілі найменне банка эмітэнта і назву валюты з дапамогай кампутарнай тэхнікі», — распавялі ў ДКСЭ.

Уладальнік канфіскаванай банкноты растлумачыў праваахоўнікам, што яна дасталася яму некалькі гадоў таму ў спадчыну ад бацькі. Пра тое, што купюра можа быць падробленай, мужчына не здагадваўся.

Тысяча зімбабвійскіх даляраў на сённяшні дзень каштуе каля 2,5 еўра.

NN.by

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
ПНАЎСРЧЦПТСБНД
123
45678910
11121314151617
18192021222324
25262728293031