Знайсці
25.05.2020 / 14:52РусŁacБел

Будслаўскі фэст пераносіцца на пазнейшы час

catholic.by

Так было вырашана на пасяджэнні Канферэнцыі каталіцкіх біскупаў, што ўпершыню адбылося ў анлайн-фармаце ў рэжыме відэаканферэнцыі, паведамляе catholic.by.

Каталіцкія біскупы сярод іншага абмеркавалі арганізацыю святкавання ў гэтым годзе (у чэрвені) урачыстасці Божага Цела ва ўмовах пандэміі каранавіруса і прынялі рашэнне не праводзіць агульнагарадскіх і парафіяльных працэсій на вуліцах нашых гарадоў і вёсак.

Кіраўніцтва касцёла рэкамендуе правесці яго ў фармаце парафіяльнай працэсіі (па магчымасці — на прыкасцёльнай тэрыторыі або ў касцёле), з захаваннем рэкамендаваных Міністэрствам аховы здароўя Беларусі і СААЗ санітарных нормаў.

Таксама было прынята рашэнне адносна святкавання Будслаўскага фэсту, што ладзіцца ў першыя выхадныя ліпеня.

Пастаноўлена, што літургія пройдзе ў парафіях Беларусі без зменаў 2 ліпеня, а ў самім Будславе ў гэты дзень адбудзецца парафіяльная ўрачыстасць.

Аднак агульнабеларускае святкаванне фэсту разам з усімі звязанымі мерапрыемствамі (пілігрымкамі і г. д.) з запланаванай даты 3-4 ліпеня 2020 г. пераносіцца на пазнейшы час.

NN.by

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера