Знайсці
25.05.2020 / 15:37РусŁacБел

Пляма каранавіруса ў Дрыбінскім раёне. Памерла пенсіянерка

Успышка захворванняў на каранавірус зафіксаваная ў вёсцы Пудаўня Дрыбінскага раёна Магілёўскай вобласці. На мінулым тыдні там памерла 70-гадовая пенсіянерка Лізавета П.

Мясцовыя жыхары расказалі «НН», што тэст на «карону» ў жанчыны быў станоўчым. Прыкладна тыдзень таму яе шпіталізавалі ў Магілёў, амаль адразу жанчына трапіла на апарат ШВЛ. У выніку арганізм не справіўся.

У Пудаўні нам расказалі, што спадарыня Лізавета часта хварэла, у яе было не самае крэпкае здароўе, у прыватнасці — цукроўка. Плюс да ўсяго яна дастаткова позна звярнулася па медыцынскую дапамогу, доўга хварэла дома. Спадзявалася, што гэта прастуда і хутка яна адступіць.

У Пудаўні Лізавета П. жыла адна. Яе дзеці жывуць у Магілёве.

Усяго ў Пудаўні зафіксавана як мінімум чатыры выпадкі захворвання на каранавірус. У астатніх хвароба праходзіць у лёгкай форме, рызыкі для жыцця няма.

Зміцер Панкавец

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
ПНАЎСРЧЦПТСБНД
123
45678910
11121314151617
18192021222324
25262728293031