Знайсці
25.05.2020 / 14:385РусŁacБел

«Адзваніліся Качанавай, што пытанне закрыта»: Полацкія медыкі таксама паскардзіліся ў АП на няправільны разлік прэмій, але ім нічога не даплацілі

Стала вядома, што і медыкі Полацкай станцыі хуткай дапамогі скардзіліся ў Адміністрацыю прэзідэнта з прычыны няправільна, на іх думку, налічаных прэмій за работу з пацыентамі з каранавірусам. 

Пра гэта паведамляе тэлеграм-канал HARBACEVIČ.

Як стала вядома «Нашай Ніве», такі зварот сапраўды быў — медыкі падпісаліся пад лістом, сэнс якога зводзіўся да таго, што яны не адчулі абяцаных надбавак за работу з каранавірусам. 

Ілюстрацыйнае фота Надзеі Бужан

Далей прыводзім гісторыю са словаў галоўнага доктара Полацкай цэнтральнай гарадской бальніцы Аляксандра Стомы: 

«Яны трактавалі са свайго гледзішча ўказ, прыехала камісія, была сустрэча са старшынёй выканаўчага камітэта, камісія з упраўлення [аховы здароўя], ім патлумачылі, далі адказы на ўсе пытанні, што іх цікавілі. Усё было налічана правільна, што было належна — ім заплацілі, згодна з заканадаўствам. Выплачаны правільна заробак. Яны [работнікі хуткай] потым адзваніліся кіраўніку Савета Рэспублікі [Наталлі Качанавай] і сказалі, што пытанне знятае», — сказаў Аляксандр Стома. 

Нагадаем, падобная гісторыя ў Бабруйску скончылася скандалам. 

Чытайце: У Бабруйску медыкі хуткай сарвалі здымкі сюжэта БТ аб надбаўках і арганізавалі стыхійны мітынг ВІДЭА

Чытайце: Пасля стыхійнага мітынгу медыкаў пазбавіўся пасады галоўны доктар Бабруйскай станцыі хуткай дапамогі

NN.by

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера