Ва Украіне назвалі дату заканчэння каранціну
УНІАН
Улічваючы эпідэміялагічную сітуацыю, міністр аховы здароўя Максім Сцяпанаў прапанаваў увесці з 22 мая так званы адаптыўны каранцін для паступовага зняцця абмежаванняў.
Ён будзе доўжыцца да 22 чэрвеня.
Увядзенне і зняцце тых ці іншых мер для барацьбы з каранавірусам будзе залежаць ад эпідэміялагічнай сітуацыі ў канкрэтным рэгіёне.
З 12 сакавіка ўрад Украіны ўвёў агульнанацыянальны каранцін з-за каранавіруса тэрмінам на месяц, пазней ён быў падоўжаны да 22 мая. З 6 красавіка ў краіне зрабілі больш жорсткімі абмежаванні, у прыватнасці было забаронена збірацца на вуліцы ў групы больш за два чалавекі, за выключэннем выпадкаў суправаджэння дзяцей. Грамадзян абавязалі насіць маскі і пры выхадзе з дому мець пры сабе дакументы, якія пацвярджаюць асобу.
Абмежавальныя меры былі паслабленыя з 11 мая. У краіне пачалі працу крамы нехарчовых тавараў, летнія пляцоўкі рэстаранаў і кафэ, знялі забарону на прагулкі ў парках.
Па апошніх звестках, ва Украіне каранавірусам заразіліся 19 230 чалавек, 564 пацыенты памерлі.
