Даслаць навіну
Знайсці
20.05.2020 / 07:16 24

Еўракамісар: У Беларусі з'явіўся ўнікальны шанец

Падчас пандэміі Беларусь дэманструе зусім іншы падыход у адносінах з Еўрапейскім Саюзам, чым раней. Пра гэта еўракамісар у пытаннях суседства і пашырэння Олівер Вархеі заявіў 19 мая, на слуханнях у камітэце Еўрапарламента па замежных справах, паведамляе dw.com.

«Цяпер у Беларусі з'явіўся ўнікальны шанец. Цікавым чынам, з-за выкліканага COVID-19 крызісу мы бачым узнікненне зусім іншага падыходу ў краіне ў дачыненні да ЕС. Урад (Беларусі) працуе з намі, у нас ужо было некалькі кантактаў», — адзначыў Вархеі.

У якасці прыкладу ён прывёў просьбу Мінска аб фінансавай дапамозе для барацьбы з эканамічнымі наступствамі пандэміі. «Яны папрасілі аб макрафінансавай дапамозе, і мы стараемся дапамагчы. На жаль, яны не змаглі дамовіцца з МВФ аб дапамозе», — удакладніў еўракамісар, маючы на ўвазе, што супрацоўніцтва Беларусі з Міжнародным валютным фондам — адна з абавязковых перадумоў для надання яму дапамогі Еўрасаюза. Вархеі паабяцаў, што як толькі Мінск дамовіцца з МВФ і калі ЕЗ сфармулюе канкрэтныя ўмовы крэдытаў, «мы, вядома ж, неадкладна дамо макрафінансавую дапамогу».

У Брусэлі цяпер зацвярджаюць экстранную праграму такой макрафінансавай падтрымкі (крэдыты на спрыяльных умовах суседнім дзяржавам для падтрымкі іх плацежнага балансу) для дзесяці краін у рамках палітыкі суседства і пашырэння, уключаючы Украіну, Грузію і Малдову. Агульны аб'ём пакета — 3 млрд еўра.

«Я думаю, што ў нас цяпер гістарычная магчымасць сапраўды пераламаць сітуацыю і развіць станоўчы імпульс у нашых адносінах», — падсумаваў Вархеі.

Беларусь — адзіная краіна з праграмы «Усходняга партнёрства», у якой з ЕС не падпісана рамачнага пагаднення аб партнёрстве. Мінск і Брусель ужо некалькі гадоў вядуць перамовы аб заключэнні такога дакумента, але пакуль незразумела, калі гэта можа адбыцца.

NN.by

Хочаш падзяліцца важнай інфармацыяй
ананімна і канфідэнцыйна?

0
Гервасій Выліваха / адказаць
20.05.2020 / 11:17
Чарговая адтэрміноўка "эканамічнага калапсу", у якім мы фактычна жывём ужо ня першы год. Перахапіць у адных, каб потым разлічыцца з другі, трэцімі, чацвёртым... Замкнёнае кола... Як толькі бабосікі ад Еўропы атрымаюць, адвернуцца да тых у чарговы раз сракай... І ўсё пачнецца нанова...
1
Jorg / адказаць
20.05.2020 / 12:10
Можа хто арганізуе з нашых палітыкаў збор подпісаў грамадзян пад петыцыяй еўракамісіі- каб не давалі грошы рыжыму? Многія падпішуцца.
0
american / адказаць
21.05.2020 / 05:30
камисар видимо  получит процент  с раздаваемого режиму в РБ  европейского вспоможенства ? 
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2019 2020 2021
май чэрвень ліпень
ПН АЎ СР ЧЦ ПТ СБ НД
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30