Даслаць навіну
Знайсці
18.05.2020 / 22:24 16

«Мне было цяжка глядзець на гэты бязглузды парад, бо тата ляжаў на ШВЛ»: дачка памерлага супрацоўніка Мінабароны расказала горкую праўду

Павялічыць

Герман Аляксандраў у маладосьці

«Са словаў лекара, клінічная карціна хваробы чыста каранавірусная», — сказала карэспандэнту «Свабоды» дачка палкоўніка запасу Германа Аляксандрава Юлія.

Чытайце таксама: Ад «пнеўманіі з неўдакладненым узбуджальнікам» памёр 53-гадовы начальнік упраўлення Узброеных Сіл

Яе маці працуе ў капэлі імя Шырмы, дзе на каранавірус захварэла палова калектыву. У яе пры тэмпэратуры 39 тэст на каранавірус даў адмоўны вынік. У бацькі аналіз на каранавірус таксама быў адмоўны. Як такое можа быць? — зьдзіўляецца дзяўчына.

52-гадовы Герман Аляксандраў, які ўзначальваў упраўленьне Ўзброеных Сіл па выкарыстаньні паветранай прасторы, быў палкоўнікам запасу, памёр ад пнэўманіі ў менскім Вайсковым шпіталі.

Герман Аляксандраў скончыў Чарнігаўскае вышэйшае вайсковае авіяцыйнае вучылішча лётчыкаў, праходзіў службу на лётных пасадах у 126-й зьнішчальнай авіяцыйнай дывізіі 16-й паветранай арміі. За час лётнай працы асвоіў самалёты Л-39, МіГ-23 і МіГ-29 розных мадыфікацый, меў кваліфікацыю вайсковага лётчыка першай клясы. Герман Аляксандраў скончыў Беларускі камэрцыйны ўнівэрсытэт кіраваньня і Акадэмію кіраваньня пры прэзыдэнце.

«Ён захварэў 21 красавіка. На выходных у яго паднялася тэмпэратура, у панядзелак ён яшчэ знаходзіўся з тэмпэратурай дома. А ў аўторак яго паклалі ў вайсковы шпіталь у інфэкцыйнае аддзяленьне, там узялі тэст на каранавірус. Тэст быў гатовы толькі тады, калі ён ужо ляжаў на ШВЛ, практычна праз тыдзень. Ва ўсякім разе, вынік тэсту я даведалася ад лекара рэанімацыі, што ён адмоўны. Але, са словаў доктара, клінічная карціна хваробы чыста каранавірусная», — сказала карэспандэнту «Свабоды» дачка Юлія.

Павялічыць

Герман Аляксандраў

Герман Аляксандраў трапіў спачатку ў палату інтэнсіўнай тэрапіі, два дні ляжаў там пад кіслароднай маскай. Тады ён яшчэ кантактаваў са сваякамі. А потым ён быў 12 дзён на ШВЛ у рэанімацыі, дзе і памёр.

«Нягледзячы на такі вынік, мы ўдзячныя лекарам. Я ўвесь час размаўляла зь лекарам-рэаніматолягам. Мне здаецца, што яны рабілі ўсё, што маглі, але хвароба аказалася мацнейшай».

У пасьведчаньні аб сьмерці запісана лёгачна-сардэчная недастатковасьць і пнэўманія. Цела нябожчыка выдалі ў пакеце, у закрытай труне.

«Калі я ў лекара пыталася, ці магчымае пераліваньне плязмы, пра якое шмат пішуць у СМІ, ён сказаў, што ёсьць дзьве прычыны, па якіх гэта немагчыма. Першая — гэта адмоўны тэст. Лекары ня могуць замовіць плязму, калі тэст на COVID-19 адмоўны. А па-другое, у яго былі асабістыя супрацьпаказаньні, яму калолі процітромбавы прэпарат, і ў яго быў высокі паказчык прадуктаў распаду», — кажа Юлія.

Прычына ўзьнікненьня пнэўманіі, паводле лекараў, незразумелая. Герману Аляксандраву зрабілі толькі рэнтген. Калі ён паступіў у шпіталь, то пнэўманіі яшчэ не было.

«Праз тыдзень, калі яго ўжо пераводзілі ў інтэнсіўную тэрапію, пнэўманія ўжо была. Але, наколькі я разумею, доктары больш арыентаваліся на паказальнік кіслароду ў крыві. Калі ён пачаў зьмяншацца, яго перавялі ў інтэнсіўную тэрапію. Якая ў выніку ў яго была пнэўманія, я ня ведаю. Але калі яго паклалі на ШВЛ, то, я думаю, карціна была дрэнная».

Паводле Юліі, у бацькі не было хранічных захворваньняў. Адкуль магла ўзяцца пнэўманія?

«Мы ня ведаем, адкуль гэта магло ўзяцца. Бацька хадзіў на службу, гэтага ніхто не адмяняў. Але ён ня быў нейкім нігілістам, якія адмаўляюць існаваньне вірусу, хадзіў усюды ў масцы, езьдзіў на асабістым транспарце, дэзынфікаваў рукі і ўсё што магчыма. Але я думаю, што наўрад ці ён мог заразіцца на працы. У іх насамрэч ніхто не хварэе. І бацька, калі адчуў сябе дрэнна, застаўся дома».

У прэс-службе Міністэрства абароны карэспандэнту «Свабоды» сказалі, што ў калегаў Германа Аляксандрава вірус ня знойдзены. Але Юлія сумняваецца, што ў іх наогул бралі тэст.

«Мая маці працуе ў харавой капэлі імя Шырмы Белдзяржфілярмоніі, дзе больш за палову было заражаных каранавірусам. У яе бралі тэст, і ён быў адмоўны. Але яна ляжала з тэмпэратурай 39 да яго цягам чатырох дзён. Але ў яе на гэтым усё і скончылася, тэмпэратура прайшла. Мы, канечне, былі абураныя. Зразумела, што ёсьць эканоміка і есьці нешта трэба. Таму гэта наша вэрсія, што гэта магло быць і адтуль. Мы прачыталі ў інтэрнэце, што да тэсту трэба рыхтавацца, нельга перад ім выпалоскваць горла, не рабіць інгаляцыю. Але мама гэта рабіла, бо яе не папярэджвалі», — кажа Юлія.

Юлія таксама згадала пра вайсковы парад на 9 траўня.

«Мне было цяжка глядзець на гэты бязглузды парад, бо на той момант мой тата ляжаў на ШВЛ. Мая бабуля была ўдзельніцай вайны, яна вэтэран. Яна і сябры яе пакаленьня цанілі жыцьцё, кожнае асобнае жыцьцё, бо ведалі яго цану. Дзядуля быў генэралам авіяцыі, вэтэранам Узброеных сіл. Яны ніколі ў жыцьці на парады не хадзілі, тым больш у такой абстаноўцы. Атрымліваецца, што з вэтэранаў робяць старых маразматыкаў, якім падавай парад. Але гэта ня так. Я думаю, што ніводзін разумны чалавек ня ладзіў бы падчас эпідэміі масавае мерапрыемства», — сказала Юлія.

Алесь Дашчынскі, Радыё Свабода

Хочаш падзяліцца важнай інфармацыяй
ананімна і канфідэнцыйна?

10
Sashaa / адказаць
19.05.2020 / 12:24
Хм) вот как бывает.. вроде две трагедии - одна в статье про умершего от вируса 53-летнего военного начальника, и вторая рассказанная мной про 23-летнего солдата срочной службы, пострадавшего в армии и тоже с печальным концом... Но в статье акцент сделан на бязглуздасць парада и комментирующие громко залайкали и засопереживали. А я парад не обвинил и меня заминусили...))  Люди, где вы, о чем вы... или политика вам крышу сносит...
8
Sashaa / адказаць
19.05.2020 / 12:27
Еремей, ну да, если бы под ИВЛ лежал не отец, а кто-то другой, может и парад  был бы не бязглуздым...
0
счётчик Гейгера / адказаць
19.05.2020 / 16:32
У яе пры тэмпэратуры 39 тэст на каранавірус даў адмоўны вынік. У бацькі аналіз на каранавірус таксама быў адмоўны. Як такое можа быць? — зьдзіўляецца дзяўчына.
https://nn.by/?c=ar&i=251975

приказ не более 5 никто не отменял... И это надо понять...
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2019 2020 2021
май чэрвень ліпень
ПН АЎ СР ЧЦ ПТ СБ НД
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30