Кітайскі вірусолаг заявіў пра заніжэнне колькасці хворых на каранавірус у студзені

Улады Кітая заніжалі колькасць людзей, заражаных каранавірусам, у пачатку пандэміі, распавёў галоўны дарадца па медыцыне ўрада Кітая, вірусолаг Чжун Наньшань у інтэрв'ю CNN.

Доктар прыбыў ва Ухань, які лічыцца крыніцай распаўсюджвання каранавіруса, 18 студзеня. Перад гэтым ён атрымліваў мноства званкоў калегаў і яго былых студэнтаў з паведамленнямі аб тым, што сітуацыя значна горшая, чым у афіцыйных зводках.

Пазней, ужо ў Пекіне, вірусолагу паведамілі, што колькасць заражаных вырасла да 198 чалавек, тры чалавекі загінулі і 13 медработнікаў заразіліся. Хоць раней яму паведамлялі аб 41 заражаным.

NN.by

Хочаш падзяліцца важнай інфармацыяй
ананімна і канфідэнцыйна? Пішыце рэдактару
«Нашай Нівы» ў ТГ

0

0

0

0

0

0