З мінскага таксафона штомесяц робяць каля 140 званкоў
Яшчэ ў 2000-х у Мінску таксафонаў было некалькі тысяч. Цяпер — 131, піша sb.by. Калі з вамі нешта здарыцца, а мабільны тэлефон, напрыклад, разраджаны, з таксафона можна бясплатна патэлефанаваць у экстранныя службы 101, 102, 103, 104, 112. За іншыя званкі прыйдзецца плаціць.
На жаль, пад манеткі мінскія таксафоны не прыстасаваныя, таму давядзецца набыць адмысловыя сэрвісныя тэлефонныя карты (СТК): яны прадаюцца на пошце, у кіёсках «Мінсктранса», аддзяленнях «Белтэлекама».
Вы здзівіцеся, але таксафонамі яшчэ карыстаюцца: у сярэднім у Мінску з таксафона здзяйсняецца 140 званкоў у месяц, падлічылі ў «Белтэлекаме».
Цяпер таксафоны захоўваюцца там, дзе карыстанне іншымі відамі сувязі абмежавана, напрыклад, у воінскіх часцях, установах пенітэнцыярнай сістэмы і гэтак далей. Па-другое, таксафонная сувязь ёсць на вакзалах, ва ўстановах аховы здароўя, адукацыі і на іншых аб'ектах, дзе гэты від сувязі карыстаецца попытам.
