Знайсці
16.05.2020 / 18:0917РусŁacБел

У Грэцыі спёка да +40 — усе высыпалі на пляжы, нягледзячы на каранавірус

515 арганізаваных пляжаў адкрыліся з суботы ў Грэцыі з-за хвалі 40-градуснай спякоты, якая пабіла для мая рэкорд за апошнія 150 гадоў, перадае ТАСС. 

Пляжы для арганізаванага адпачынку былі зачыненыя 15 сакавіка па рашэнні ўрада ў рамках барацьбы з распаўсюджваннем каранавіруснай інфекцыі. Арганізаваныя пляжы планавалася адкрыць з 1 чэрвеня, аднак з-за вельмі гарачага надвор'я — слупок тэрмометра ў апошнія дні падымаецца ў цені да 42 градусаў — пляжы дазволілі наведваць ужо з суботы. 

Работнікі пляжаў павінны абавязкова на ўваходзе рэгістраваць колькасць людзей. Максімальная колькасць адпачывальнікаў, якія на іх дапускаюцца, складае 40 чалавек на 1000 кв. м. Мінімальная адлегласць паміж восямі парасонаў вызначаная ў 4 м.

Кафэ, рэстараны, закусачныя і бары на арганізаваных пляжах павінны працаваць толькі на вынас. Расстаўленых сталоў не павінна быць.

Сітуацыя з каранавірусам у Грэцыі ў параўнанні з многімі суседнімі еўрапейскімі краінамі параўнальна станоўчая. Паводле звестак на 15 мая, колькасць заражаных каранавірусам у краіне з 27 лютага склала 2 810, вялікая частка з іх ужо ачуняла. За два з паловай месяцы памерлі 160 чалавек з пацверджанай інфекцыяй.

На думку экспертаў, нізкія паказчыкі інфікавання з'яўляюцца вынікам ранняга ўвядзення жорсткіх абмежавальных мер. Пасля першых трох выпадкаў заражэння ўжо 28 лютага ў краіне адмянілі карнавалы, 10 сакавіка зачынілі школы, 23 сакавіка былі забароненыя выхады з дому без уважлівай прычыны і неапраўданыя перамяшчэнні на аўтамабілях.

З 4 мая частка абмежаванняў, у тым ліку і на перамяшчэнне, была знятая.

NN.by

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера