У амерыканскім рэстаране за столікі пасадзілі надзіманых лялек: і дыстанцыя захоўваецца, і не так самотна гасцям
Уладальнік рэстарана ў Тэйларсе (Паўднёвая Караліна, ЗША) Паула Стар Мелеш пасадзіла надзіманых лялек за столікі, каб забяспечыць сацыяльнае дыстанцыяванне ва ўстанове і стварыць бачнасць вялікай колькасці наведвальнікаў.
Мелеш распавяла Fox, што не хацела наносіць разметку ўнутры рэстарана і таму абмеркавала з супрацоўнікамі іншыя спосабы забяспечыць санітарныя патрабаванні.
Уладальнікі рэстарана знайшлі пяць мужчын і пяць жанчын, надзелі на іх сваю вопратку і надзьмулі.
Акрамя таго, падобнае рашэнне дазволіла стварыць бачнасць вялікай колькасці наведвальнікаў у зале. Цяпер госці «адчуваюць сябе не так самотна».
У Паўднёвай Караліне з канца красавіка сталі аслабляць абмежаванні, уведзеныя з-за каранавіруса. У штаце дазволілі адкрыць рэстараны, калі тыя будуць выконваць санітарныя патрабаванні.
Падобныя меры таксама анансаваў рэстаран у Вашынгтоне, які адкрыецца 29 мая. Там за свабодныя сталы пасадзяць манекены.
