Даслаць навіну
Знайсці
15.05.2020 / 11:40 2

У Мінску на выездзе ў слуцкім кірунку пабудуюць забаўляльна-гандлёвы цэнтр 

У пачатку 2021 года каля будучай станцыі метро «Слуцкі Гасцінец» у Курасоўшчыне пачнуць будаваць шматфункцыянальны комплекс «Панарама», у якім будзе вялікая зона забаў, а таксама крамы, офісы і паркоўкі. TUT.BY дзеліцца падрабязнасцямі.

Павялічыць

Выява прадастаўлена кампаніяй «Белзамежбуд»

Дзе і якой будзе «Панарама»?

Участак пад забудову знаходзіцца на скрыжаванні вуліц Каржанеўскага і Кіжаватава. Гэтая зямля з сакавіка 2019 года належыць на праве арэнды кампаніі «РэалГрадІнвест», якая купіла права яе забудовы на аўкцыёне.

Яндекс.КартыЯндекс.Карты — поиск мест и адресов, городской транспорт

Дырэктар «РэалГрадІнвест» Андрэй Дайновіч распавядае, што ўжо са студзеня 2021 года яны пачнуць будаваць на гэтым месцы шматфункцыянальны комплекс «Панарама». Выглядаць ён будзе так:

Павялічыць

Выява прадастаўлена кампаніяй «Белзамежбуд»

— На першым месцы ў нас будуць забавы і стварэнне добрага настрою, і толькі потым — гандаль. Бо калі чалавек задаволены, ён не спяшаецца, ён гатовы глядзець, слухаць і выбіраць, — кажа Андрэй Дайновіч.

Таму ў «РэалГрадІнвест» называюць «Панараму» не гандлёва-забаўляльным, а забаўляльна-гандлёвым цэнтрам. Па словах Дайновіча, гэтая канцэпцыя была распрацавана ў ліку іншага з дапамогай ангельскай і турэцкай кансалтынгавых кампаній.

Агульная плошча «Панарамы» — каля 68,5 тысячы квадратных метраў. На першым паверсе, які займае 12 тысяч «квадратаў», размесціцца сеткавы магазін тавараў для дома і супермаркет, акрамя таго, рэстаран хуткага харчавання, які, магчыма, будзе кругласутачным. Таксама тут будуць аптэкі, крама кветак, аддзяленне банка і іншае.

Другі ж паверх РТЦ цалкам аддадуць пад забавы. На плошчы каля 8 тысяч квадратных метраў размесцяцца шматзальны кінатэатр, вялікі каворкінг, фудкорт, а таксама дзіцячы цэнтр развіцця і падрыхтоўкі да школы. Гэта абгрунтоўваецца тым, што ў апошні час людзі ўсё больш шукаюць магчымасць добра правесці час па-за домам.

Офісная частка — гэта трынаццаць паверхаў прыкладна па 1,3 тысячы «квадратаў» кожны. На ніжніх паверхах адміністрацыйнай часткі будуць медыцынскі цэнтр і трэнажорная зала з магчымасцю кругласутачнай працы.

Акрамя таго, інвестары праекта хочуць стварыць у «Панараме» і нешта новае для Беларусі. Як варыянт — прастору з марскім пяском, дзе круглы год будзе светла і цёпла.

NN.by

Хочаш падзяліцца важнай інфармацыяй
ананімна і канфідэнцыйна?

0
HENRIK KWINTA / адказаць
17.05.2020 / 08:37
А ён трэба ?
0
Вясковы Лірнік / адказаць
20.05.2020 / 20:06
Ну, зараз зажывем.
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2019 2020 2021
май чэрвень ліпень
ПН АЎ СР ЧЦ ПТ СБ НД
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30