Знайсці
14.05.2020 / 17:4967РусŁacБел

Статкевіч са 150 паплечнікамі масава падалі дакументы ў ЦВК

Палітык Мікалай Статкевіч з паплечнікамі масава падаюць дакументы ў ЦВК. На Плошчы Незалежнасці сабраліся каля 150 чалавек.

Чытайце таксама: Прыхільнікі Статкевіча масава падаюць заявы на рэгістрацыю ініцыятыўных груп: толькі па абедзе больш за 10 чалавек

Ён выйшаў да журналістаў і сказаў, што ні адзін яго кандыдат подпісы здаваць не будзе. Палітык мяркуе, што рэальных выбараў у краіне няма. А выбарчую кампанію можна выкарыстаць для таго, каб народ мог легальна збірацца на вуліцах і выказваць свой пратэст.

Подпісы каманда Статкевіча збіраць не будзе, але будзе выкарыстоўваць пікеты па максімуме.

Статкевіч лічыць, што краіне трэба вярнуць выбары, а ўжо потым народ будзе выбіраць таго, каго ён хоча.

Зараз жа людзі баяцца паказваць актыўнасць, сказаў палітык.

«Я думаю, што зграя адчула, што важак саслабеў», — так Статкевіч пракамэнтаваў удзел у выбарчай кампаніі Віктара Бабарыкі і Валера Цапкалы.

Кандыдаты Статкевіча прыйшлі на сустрэчу са значкамі «Народнай Грамады». Актывісты раздаюць маскі тым, у каго іх няма.

На плошчы ў спартыўных касцюмах знаходзяцца ціхары, усе ў масках, сядзяць на лаўках па адным.

Мікалай Статкевіч прадставіў журналістам сваіх «кандыдатаў пратэсту». Сам ён быў без маскі, аднак адзначыў, што зрабіў гэта толькі для журналістаў, а так палітык верыць у сур'ёзную небяспеку каранавіруса.

Каля прыступак ЦВК Статкевіч выказаў падтрымку затрыманым актывістам і блогерам. Акцыя ператварылася ў паўнавартасны мітынг.

Таксама палітык выказаўся за мірны масавы пратэст як форму палітычнай барацьбы. Ён заявіў, што гатовы супрацоўнічаць з усімі, хто лічыць, што выбараў у краіне цяпер няма. Мікалай Статкевіч бачыць выбары як нагоду для пратэстаў, бо са статусам кандыдата ў прэзідэнты людзей прасьцей сабраць на вуліцы.

ЗП

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера