Абельская і Каранік ушанавалі памяць загінулых на вайне на брацкай магіле пад Мінскам ФОТАФАКТ
Сёння міністр аховы здароўя Уладзімір Каранік, галоўны доктар Рэспубліканскага клінічнага медыцынскага цэнтра Ірына Абельская, прадстаўнікі сістэмы аховы здароўя Мінскай вобласці і Беларускага прафсаюза работнікаў аховы здароўя ўшанавалі памяць загінулых у Вялікай Айчыннай вайне на брацкай магіле ў вёсцы Падгор'е Мінскага раёна.
Гэтая магіла — месца пахавання больш за 200 чалавек: медыцынскіх работнікаў санітарнага батальёна, чырвонаармейцаў, жонак і дзяцей каманднага складу і невядомых воінаў 64-й стралковай дывізіі, якія загінулі ў чэрвені 1941 года.
Па словах міністра, сістэма аховы здароўя ніколі не давала збой, заўсёды адпавядала асаблівым патрабаванням. «За мінулыя гады нічога не памянялася: мы смуткуем па тых, хто загінуў тады, у гады ВАВ, і цяпер — падчас уздыму захворвання. Медыкі заўсёды былі на пярэднім фронце барацьбы, на перадавой. У першую чаргу нашы калегі думаюць, як дапамагчы, часта забываючы пра сябе. І пакуль такія людзі ў нашай сістэме аховы здароўя ёсць, мы зможам рухацца далей», — адзначыў міністр.
