Даслаць навіну
Знайсці
06.05.2020 / 10:37 2

Што мы слухалі ў красавіку — дзесяць найцікавейшых альбомаў месяца АЎДЫЯ

Хутка пойдзе трэці месяц жыцця чалавецтва ў новых каранавірусных умовах. Гэта, канечне, не магло не паўплываць на музычную індустрыю: пераносяцца канцэрты, адмяняюцца фестывалі, адкладваюцца прэзентацыі альбомаў. Нягледзячы на гэта, мы, як заўсёды, здолелі сабраць дзясятку найцікавейшых рэлізаў.

Yves Tumor — Heaven To A Tortured Mind

Павялічыць

Амерыканскі арт-эксперыментатар напачатку красавіка прэзентаваў свой чацвёрты альбом, натхнёны рок-музыкай. 

Іў Цюмор насычае свае трэкі таемнымі і разнастайнымі вобразамі, пры гэтым пакідаючы сваю асобу загадкавай. Усё гэта кладзецца на сумесь з глэм-року, псіхадэлічнай поп-музыкі і соўлу.

The Strokes — The New Abnormal

Павялічыць

Шосты ў дыскаграфіі і першы за сем год альбом гурта, які некалі назвалі першымі зоркамі XXI стагоддзя. Яго падрыхтоўка пачыналася яшчэ ў 2016-м, але новыя песні прыхільнікі The Strokes змаглі пачуць толькі летась.

The New Abnormal разлічаны на тых, для каго рок-н-рол — гэта перш за ўсё музыка, якая спрыяе паляпшэнню настрою. Альбом не нясе за сабой ніякіх мэсэджаў, яго проста прыемна ўключаць і слухаць.

Tesla Boy — Андропов

Павялічыць

Лідар Tesla Boy Антон Севідаў, які, дарэчы, нарадзіўся ў Мінску, назваў свой першы рускамоўны альбом у гонар генсека камуністычнай партыі. Андропаў — гэта як мяжа свабоды, сімвал самакантролю: дзе мы сябе спыняем у нашых памкненнях.

У інтра да альбома слухачу раяць расслабіцца і атрымліваць асалоду ад музыкі, якую натхнілі савецкая архітэктура, музыка латвійскага гурта Zodiacs і серыял «Чарнобыль».

Rina Sawayama — Sawayama

Павялічыць

Дэбютны рэліз брытанскай спявачкі японскага паходжання, які з рознай смеласцю называюць ад альбома месяца да альбома года ў альтэрнатыўнай поп-музыцы. 

Sawayama — гэта вельмі якасны мікс поп-музыкі, вайбу 90-х, металічных нотак і такой прыцягальнай, але часова недасяжнай Японіі. 

Enter Shikari — Nothing Is True & Everything Is Possible

Павялічыць

Enter Shikari заўсёды былі трэндсэтарамі ў рок-музыцы. Яны не баяліся выказвацца на палітычныя тэмы і кранацца глабальных праблем, аднымі з першых пачаўшы эксперыменты з электроннай музыкай.

Новы альбом таксама атрымаўся вельмі разнастайным і, як заўсёды, поўным эксперыментаў. Адзін з трэкаў, напрыклад, быў запісаны разам з пражскім сімфанічным аркестрам. 

Fiona Apple — Fetch the Bolt Cutters

Павялічыць

Мэсэдж альбома, які збірае адну ўхвальную рэцэнзію за другой, застаецца адным з самых важных для сучаснага заходняга грамадства.

Жанчыны ва ўсім свеце сутыкаюцца з гвалтам, здзекаваннямі і дыскрымінацыяй у сваёй дзейнасці. І кожны трэк — гэта асобная гісторыя пра тое, як жанчынам трэба «згуртавацца і супрацьстаяць», узяўшы лёс у свае рукі, а заадно, і тыя самыя ментальна-эмацыйныя «кусачкі», каб перастаць дазваляць мужчынам дамінаваць і дыскрымінаваць.

Nürnberg — Paharda

Павялічыць

Беларускамоўны пост-панк калектыў вяртаецца з другім альбомам, поўным рамантычнай настальгіі і красавіцкага сонца.

Пад такую музыку добра як пасумаваць па мінулым леце, так і аддацца ў палон марам.

АукцЫон — Мечты

Павялічыць

Каранавірус наклаў адбітак на прэзентацыі адзінаццатага альбома ў дыскаграфіі легендарнага гурта.

Па-першае, ва ўмовах рэжыму самаізаляцыі, які дзейнічае ў Маскве, былі знятыя два кліпы. А па-другое, прэзентацыя альбома прайшла ў рэжыме інтэрнэт-стрыму, падчас якога музыкі сыгралі новыя песні, а таксама адказалі на пытанні прыхільнікаў.

Trivium — What The Dead Men Say

Павялічыць

Канчатак красавіка адзначыўся выхадам двух важкіх альбомаў у цяжкай музыцы. Першы — дзявятая пласцінка амерыканскіх металістаў з Trivium. 

Як заўсёды адбываецца з навінкамі ў гэтым музычным напрамку, меркаванні слухачоў падзяліліся: адны палічылі альбом занадта цяжкім, другія — што ў ім шмат усяго лішняга, трэцім усё падабаецца.

Толькі час пакажа сапраўдную моц What The Dead men Say.

ДРЫГВА — Вайдэлот

Павялічыць

«Нібы агонь, мы запальваемся, гарым ярка і непазбежна згасаем…»

Вайдэлотамі называлі паганскіх жрацоў, якія служылі на капішчах і з'яўляліся ў першую чаргу захавальнікамі свяшчэннага агню. Калі па іх віне зніч згасаў, іх саміх спальвалі на новым агні.

Доўгія дзесяць гадоў раздзялілі першы і другі альбом аднаго з найлепшых айчынных гуртоў жанру паган-метал. Вяртанне адбылося вельмі моцным.

А што вы слухалі з музычных навінак?

Нашы папярэднія агляды:

Піліп Каваленка

Хочаш падзяліцца важнай інфармацыяй
ананімна і канфідэнцыйна?

0
хамса / адказаць
07.05.2020 / 05:15
7 мая 2020 04:57
і я ўсё яшчэ не магу заснуць
..
а на маім любімым Аўтарадыё пачынае раптам гучаць Наутилус Помпилиус Прогулки по воде
што тым больш не дае мне заснуць
што за хрэнь!?
але дзякуй богу хутка абрываецца
і ў 05:00 пачынае гучаць нармальная тэма - любімая Металіка Nothing Else Matters
..
дзякуй табе, маё любімае Аўтарадыё
і невядомы герой, які не дае мне заснуць)
0
Лістападаўскі Ґаспадар / адказаць
10.05.2020 / 15:19
Дзе Volski?
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2019 2020 2021
май чэрвень ліпень
ПН АЎ СР ЧЦ ПТ СБ НД
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30