Беларускі эпідэміёлаг спрагназаваў, калі чакаецца пік COVID-19
Вакцына ад каранавіруса з'явіцца не раней за 2021 год. Пра гэта кажа загадчык аддзялення Мінскай абласной бальніцы, эпідэміёлаг Віктар Сушчэвіч, паведамляе tvr.by.
Фота Надзеі Бужан
Ён адзначыў, што пік захворвання, паводле даследаванняў міжнародных экспертаў, прыпадзе на 20-я лічбы мая і далей пойдзе на спад.
«У мяне шмат знаёмых, сяброў, якія працуюць у розных краінах свету. Яны пішуць пра тыя ж самыя праблемы, з якімі сутыкнуліся і мы, асабліва ў першыя два тыдні. Ахова здароўя не была гатовая да такога вялікага патоку пацыентаў і такой запатрабаванасці дэзсродкаў, масак. Але сёння рэсурсы ўключаныя, індывідуальныя прадпрымальнікі і розныя фабрыкі пераключыліся на вытворчасць масак, касцюмаў. Сёння гэтае пытанне, у прынцыпе, знятае», — кажа Віктар Сушчэвіч.
