Даслаць навіну
Знайсці
22.04.2020 / 11:27 12

Лявон Баршчэўскі: Не адмяняць ЦТ, а замяніць яго ўступнымі іспытамі!

Лявон Баршчэўскі, педагог са стажам, перакладчык, даслаў у Рэдакцыю сутнасныя ўдакладненні па тым, якой ён бачыць уступную кампанію ў навучальныя ўстановы з улікам няпростай эпідэміялагічнай сітуацыі. 

Колькі тыдняў таму ў сваёй нашаніўскай публікацыі я выклаў прапанову для ўладаў сёлета закончыць навучальны год пасля трэцяй чвэрці, атэставаць вучняў па выніках трох чвэрцяў за год, выпускныя экзамены (з выняткам экстэрната) адмяніць, а дзеля набору ў ВНУ і ССНУ замест Цэнтралізаванага тэставання правесці звычайныя ўступныя экзамены па матэрыялах, распрацаваных самімі ўстановамі на аснове праграм сярэдняй школы, і, як гэта рабілася апошнія больш за дваццаць гадоў, браць пад увагу пры вырашэнні пытання аб залічэнні абітурыентаў таксама сярэдні бал атэстата.

Пры правядзенні вусных уступных экзаменаў ВНУ змогуць лягчэй выконваць эпідэміялагічныя засцярогі. Напрыклад, абітурыенты маглі б заходзіць у будынак па адным у дакладна вызначаны час (гадзіны, хвіліны), рыхтавацца на бяспечнай дыстанцыі ад іншых, што зайшлі раней, і па адным здаваць уступныя іспыты выкладчыкам, якія могуць сядзець у розных кутах аўдыторыі. Пісьмовыя ўступныя іспыты (можна і ў выглядзе выканання заданняў для ЦТ) праводзіць малымі групамі ў найбольшых, патокавых аўдыторыях або чытальных залах.

Здаецца, гэтыя прапановы цвярозыя і рэалістычныя, і іх так ці інакш міністэрству вымушана давядзецца рэалізоўваць. У дачыненні да атэстацыі за тры чвэрці гэта пачынае здзяйсняцца!

Але «НН» напачатку дала ў сваім падзагалоўку да матэрыялу недакладнае тлумачэнне: маўляў, Баршчэўскі прапаноўвае залічваць у ВНУ і ССНУ на падставе сярэдняга бала атэстата. Пасля гэтага хто толькі не пачаў, не ўчытаўшыся ў мае прапановы як след, перамываць мае косткі! Далей — больш. «Наша Ніва» піша, што Лявон Баршчэўскі прапанаваў залічваць у ВНУ зноў-такі «паводле сярэдняга бала атэстата», і педагог і былы чыноўнік Сяргей Альшэўскі ўшчэнт разбівае тое, чаго я зусім не прапаноўваў!

Чытайце таксама: Як праводзіць ЦТ ва ўмовах пандэміі? Педагогі прапануюць розныя варыянты

Лявон Баршчэўскі

Хочаш падзяліцца важнай інфармацыяй
ананімна і канфідэнцыйна?

0
Дед Мороз / адказаць
22.04.2020 / 19:25
Мои предложения таковы: 1) Оценка за 4 четверть на выбор: или максимальная из 3-х по предыдущим четвертям или же средняя оценка по 3-м четвертям + 1 балл (как бонус балл); то есть чтобы не было тем, кто как раз таки хотел именно в последней четверти подтянуть оценку по предмету; 2) Экзамены выпускные однозначно отменить поскольку они по сути не нужны для поступления, и это только выброшенное время, возможно нервы и и.д. Успеют дети наслаиваться экзаменов в дальнейшем; 3) Всё таки оставить действующий формат ЦТ, а не использовать вступительные экзамены (по крайней мере каковыми они были 20 лет назад), чтобы исключить факторы взяточничества и субъективности. Но при этом есть время подготовить учреждения для проведения ЦТ в безопасной с медицинской точки зрения: возможно увеличить количество заведений, аудиторий для проведения и т.д.
1
Мірон / адказаць
22.04.2020 / 21:42
Дед Мороз, а як можна прымаць вусныя іспыты? Гэта хто ж такі камікадзэ, каб сядзець у складзе камісіі перад сотнямі студэнтаў? ЦТ пісьмовае і яго можна апрацоўваць кампутарам, роля людзей - мінімальная. Проста адкласці ЦТ для пачатку на жнівень і паглялзець, што можна зрабіць. Можна ўзяць гадавыя адзнакі за 11 гадоў, можна за астатнія 6, на прыклад.
2
Мірон / адказаць
22.04.2020 / 22:20
Колісь у БДУ мы займаліся тэставымі сістэмамі. Роля ЦТ - праранжыраваць будучых студэнтаў, каб было магчымым адабраць тую колькасць 'лепшых', якая патрэбна. Фінальныя школьныя іспыты, агулам, не патрэбныя, бо адзнака мае мала градацый і не можа выканаць той ролі для ранжырвання. Я б узяў балы ЦТ і паглядеў карэляцыі з шэрагамі гадавых адзнак за апошнія 1-11 гадоў. Калі з гэта нічога не атрымаецца, можна даць заданне напісаць эссэ (праект) , які трэба даслаць ва абраны універсітэт. Гэта, агулам, ускладніць рэчы, бо трэба панэль экспретаў, троху працы, каб схаваць прозвішчы і г.д., але так можна атрымаць дадатковае ранжырванне. Было б жаданне.
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2019 2020 2021
май чэрвень ліпень
ПН АЎ СР ЧЦ ПТ СБ НД
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30