Даслаць навіну
Знайсці
22.04.2020 / 07:25 10

Вірусолагі назвалі адзіны несумненны шлях перадачы каранавіруса

Навукоўцы з нямецкага Інстытута вірусалогіі і даследаванняў у галіне ВІЧ ва Універсітэце Бона ў выніку даследавання каранавіруса высветлілі, што практычна адзіны спосаб заразіцца — гэта доўгія і блізкія зносіны з хворым на COVID-19. Пра гэта заявіў кіраўнік інстытута Хендрык Штрэек, піша rbc.ru.

Вірусолагі на працягу апошніх тыдняў правялі маштабнае даследаванне ў нямецкім горадзе Хайнсберг, дзе было выяўлена больш за 1,4 тыс. хворых на каранавірус і зафіксавана 46 смерцяў.

Навукоўцы не змаглі знайсці прыкмет жывога віруса на паверхнях прадметаў. «Калі мы бралі ўзоры з ручак дзвярэй, тэлефонаў або туалетаў, то не змаглі на іх аснове культываваць вірус у лабараторыі», — паведаміў Штрэек.

У выніку ў інстытуце прыйшлі да высновы, што верагоднасць захворвання ад кантакту з прадметамі вельмі малая. «Сур'ёзныя ўспышкі інфекцыі заўсёды былі вынікам таго, што людзі на працягу доўгага перыяду часу былі блізка адно да аднаго», — сказаў кіраўнік нямецкага інстытута.

Да падобнай высновы раней прыйшоў вірусолаг Крысціян Дростэн з берлінскага ўніверсітэта Charité. Ён заявіў, што каранавірус вельмі адчувальны да высыхання на паветры. Таму ледзь не адзіным спосабам заразіцца з'яўляецца кропельны шлях пры непасрэдным кантакце з носьбітам інфекцыі.

Раней у красавіку галоўны пазаштатны эпідэміёлаг Расіі Мікалай Брыко заявіў, што каранавірус у паветры ў большасці выпадкаў гіне за паўгадзіны, максімум — за тры гадзіны. Таму ён не можа перамяшчацца ў паветры і выклікаць масавае заражэнне людзей. Брыко растлумачыў, што вірус перадаюць адно аднаму людзі.

Хочаш падзяліцца важнай інфармацыяй
ананімна і канфідэнцыйна?

NN.by

12
Нават / адказаць
22.04.2020 / 14:42
Калі б так было,то 200 краін свету за такі кароткі час не змаглі б падчапіць гэты вірус. Мяркую,што прадажныя вучоныя робяць паслугу буйному бізнесу. Зразумела,за вялікія грошы.
3
счётчик Гейгера / адказаць
22.04.2020 / 17:46
это радует....
Как он уже надоел этот вирус.
1
Уладзімірка / адказаць
22.04.2020 / 20:52
Анегдот:
Сядзяць у піўнушцы за адным столікам насупраць адзін аднаго два наведвальніка.
Абодва трымаюць келіхі так, каб піць з боку ручкі (ручкамі ўніз). Адзін пытаецца ў другога:
- Чаго так п'еш?
- Каб не заразіцца. А ты?
- Каб не заразіць.

"У каго што забаліць, той аб тым і будзе ныць." 
Немцаў цяпер больш турбуе эканоміка. Ахвяр у разы меньш, чым у суседзяў.
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2019 2020 2021
ПН АЎ СР ЧЦ ПТ СБ НД
1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31