Даслаць навіну
Знайсці
20.04.2020 / 07:43 11

Навукоўцы выявілі клеткі, якія правакуюць цяжкую форму каранавіруснай інфекцыі

Навукоўцы высветлілі, што самыя сур'ёзныя формы пашкоджанняў лёгкіх, прычынай якіх становіцца каранавірусная інфекцыя, могуць быць звязаныя з анамальна высокай актыўнасцю нейтрафілаў — кароткачасовых імунных клетак. Апісанне даследавання апублікаваў Journal of Experimental Medicine, піша tass.ru.

Нейтрафілы — гэта самы пашыраны тып імунных клетак, яны рэагуюць на першыя прыкметы пранікнення інфекцыі ў арганізм. Гэтыя кароткачасовыя цельцы рухаюцца ў бок ачагоў запалення, захопліваюць і «пераварваюць» бактэрыі, а таксама выпрацоўваюць асаблівы набор рэчываў, якія забіваюць і адпужваюць мікробаў.

Акрамя гэтага нейтрафілы могуць змагацца з інфекцыяй іншымі шляхамі: яны выпрацоўваюць структуры, якія медыкі называюць «нейтрафільнымі экстраклеткавымі пасткамі» (НЭП). Гэтыя структуры ўяўляюць сабой набор з мноства бялковых малекул і ўрыўкаў нітак ДНК, якія могуць злучацца з вірусамі і мікробамі і знішчаць іх.

Вывучаючы фрагменты лёгкіх трох пацыентаў, якія загінулі ад COVID-19, навукоўцы выявілі першыя прыкметы таго, што НЭП могуць пагаршаць каранавірусную інфекцыю. З-за іх могуць з'яўляцца самыя сур'ёзныя пашкоджанні лёгачнай тканкі.

У гэтых узорах навукоўцы заўважылі характэрныя структуры і скапленні нейтрафілаў, з якімі яны сутыкаліся ў мінулым, аналізуючы тканкі цела людзей, якія загінулі ад самых цяжкіх формаў грыпу, а таксама заражэння крыві. Тады біёлагі прыйшлі да высновы, што прычынай з'яўлення гэтых пашкоджанняў была празмерна высокая актыўнасць нейтрафілаў і з'яўленне вялікай колькасці НЭП у лёгкіх і іншых органах.

Як мяркуюць аўтары артыкула, нешта падобнае адбывалася і ў арганізме людзей, якія перанеслі самыя цяжкія формы каранавіруснай інфекцыі або памерлі ад іх. На карысць гэтага кажа тое, што ў іх крывяноснай сістэме медыкі вельмі часта знаходзілі тромбы і іншыя тыпы згусткаў крыві, у якіх былі сляды нейтрафілаў. Нешта падобнае адбываецца пры некаторых формах раку і сепсісу, у развіцці якіх замяшаныя гэтыя імунныя клеткі.

Калі гэта сапраўды так, то цяжкасць каранавіруснай інфекцыі можна знізіць з дапамогай прэпаратаў, якія зніжаюць актыўнасць нейтрафілаў або разбураюць НЭП. У найбліжэйшы час навукоўцы правераць гэтую тэорыю, вывучаючы новыя ўзоры тканак цела пацыентаў і праводзячы эксперыменты на культурах іх клетак.

Хочаш падзяліцца важнай інфармацыяй
ананімна і канфідэнцыйна?

NN.by

3
Жвір / адказаць
20.04.2020 / 14:29
LitvinM, i potym, ci chvareje ciapier chto na tuju "hišpanku" ? Usio ž 100 hadoū nie prajšli darma, miedycyna zajmiela adpaviednyja lieki. Hryp liakujecca. A ci pracujuc` antyhrypoznyja miedykamienty i mietady liekavaņnia suprac` karony ? Dudki. 

Dyk u Vas niama nijakaj nahody rabic` tut niejkija paraūnanni, bo jak ni kruci čalaviectva sutyknulasia z pryncypova novaj pahrozaj,.. štucnaha pachodžannia... 
6
bell / адказаць
20.04.2020 / 15:37
Оказывается у астматиков, диабетиков и гипертоников, которым под 80, такая сильная иммунная система, что убивает организм. Вирусу з бактериями и делать то ничего не надо.
0
софи / адказаць
20.04.2020 / 20:22
А где уверенность, что увеличение числа нейтрофилов не пропорционально тяжести состояния? 
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2019 2020 2021
ПН АЎ СР ЧЦ ПТ СБ НД
1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31