Тры пацыенткі з каранавірусам у Мінску нарадзілі здаровых немаўлят
Двое з іх з'явіліся на свет у 6-й бальніцы напярэдадні. І сёння клініка паведамляе яшчэ аб адным радасным нараджэнні. Мамы і немаўляты адчуваюць сябе добра. Урачы адзначаюць: заражэнне нованароджаных — вельмі рэдкая з'ява, паведамляе БТ.
Дзмітрый Нікіцін, загадчык аддзялення 6-й гарадской клінічнай бальніцы сказаў: «Вядзенне родаў не адрозніваецца ў жанчын з інфекцыяй COVID ад іншых пацыентаў. Гэта значыць, мы праводзім і кесарава сячэнне па паказаннях, яны могуць нараджаць і самастойна. У нас нарадзілі тры жанчыны, у нас тры нованароджаныя. Пацыенткі адчуваюць сябе добра, дзеці клінічна здаровыя, чакаюць вынікаў ПЛР [ПЛР-дыягностыка (полімеразная ланцуговая рэакцыя — высокадакладны метад дыягностыкі шматлікіх інфекцый]».
Адзначым, 6-ая гарадская клінічная бальніца адной з першых была перакваліфікаваная для пацыентаў з COVID-19.
