Даслаць навіну
Знайсці
16.04.2020 / 11:39 6

Сяргей Цяцерын купіў яшчэ больш зямлі на радзіме Лукашэнкі

Уплывовы бізнэсмен і кіраўнік Беларускай тэніснай федэрацыі Сяргей Цяцерын абзавёўся 21 гектарам зямлі ў суседняй з Александрыяй-2 вёсцы Хімы. Пра гэта сведчаць звесткі адзінага дзяржрэгістра нерухомай маёмасці Беларусі. Піша TUT.BY.

Павялічыць

Сяргей Цяцерын — крайні злева. Фота Вадзіма Заміроўскага, TUT.BY

Нядаўна паведамлялася, што на малой радзіме Аляксандра Лукашэнкі ў вёсцы Александрыя-2 знаходзіцца рэзідэнцыя, якой валодае кампанія «Белнафтагаз» бізнэсоўца Аляксея Алексіна. Там жа размешчаны і дом Сяргея Цяцерына — бізнэсмена, кіраўніка Беларускай тэніснай федэрацыі і ганаровага консула Грузіі ў нашай краіне. Але, як аказалася, гэта не ўсе яго ўладанні ў ваколіцах.

Зусім побач з Александрыяй-2 знаходзіцца вёска Хімы Аршанскага раёна Віцебскай вобласці, якую яшчэ ў 2011 годзе таксама вырашылі зрабіць узорнай. Мяркуючы па даных дзяржрэгістра, там у 2017 годзе Сяргей Цяцерын купіў невялікі дом. Будынак знаходзіцца на зямельным участку плошчай 0,1 гектара, за арэнду якога ён штогод плаціць каля 1,78 рубля.

На працягу ж 2018-2019 гадоў Цяцерын абзавёўся яшчэ 9 участкамі недалёка ад вёскі Хімы. Іх агульная плошча — каля 21,3 гектара. Мэтавае прызначэнне — для вядзення сялянскай (фермерскай) гаспадаркi. Зямля належыць Цяцерыну на праве пажыццёвага спадчыннага валодання. Прадастаўлены ўчасткі рашэннямі Аршанскага райвыканкама. Яны размешчаны прыблізна ўнутры вось такіх межаў:

Яндекс.КартыЯндекс.Карты — поиск мест и адресов, городской транспорт

Як кажуць знаёмыя з гэтай гісторыяй крыніцы, на гэтай зямлі Цяцерын сапраўды можа заняцца сельскай гаспадаркай. «Ды ён жа і сам такі — хлопец ад сахі», — дадае адзін з суразмоўцаў партала.

Павялічыць

Фота: president.gv.by Сяргей Цяцерын — у чырвонай майцы

Па словах крыніц, у ваколіцах у Цяцерына ёсць таксама стайня і пчальнік.

Сяргею Цяцерыну 59 гадоў. Нарадзіўся ён у Мінску. Прафесійна займаўся тэнісам. У 1979 годзе стаў бронзавым прызёрам чэмпіянату СССР да 18 гадоў, а ў 1980-м — чэмпіёнам Еўропы ў парным разрадзе сярод моладзі. У 90-я гады менавіта Цяцерын далучыў да вялікага тэнісу Аляксандра Лукашэнку.

Пазней Сяргей Цяцерын у ліку іншага быў намеснікам міністра спорту, памочнікам прэзідэнта, дырэктарам спарткомплексу «Раўбічы» і віцэ-прэзідэнтам НАК. Але бліжэй да 2010-х стала вядома і пра яго бізнэс.

Цяпер кампаніі Цяцерына займаюцца дыстрыбуцыяй прадуктаў і алкаголю, грамадскага харчавання (як мінімум — бар «Свабоды, 4»), а таксама збіраюцца будаваць шматфункцыянальны комплекс насупраць Палаца незалежнасці ў Мінску. Структуры бізнэсмена таксама падтрымліваюць развіццё тэніса і спансуюць спаборніцтвы.

Сяргея Цяцерына называюць блізкім да Аляксандра Лукашэнкі чалавекам. Яны былі заўважаныя не толькі на спартыўных мерапрыемствах, але і на сельскагаспадарчых працах. Як мінімум Цяцерын некалькі разоў касіў траву разам з Лукашэнкам, а таксама збіраў з ім кавуны.

Хочаш падзяліцца важнай інфармацыяй
ананімна і канфідэнцыйна?

NN.by

0
вусцішны троль / адказаць
16.04.2020 / 15:17
“Сяргей Цяцерын купіў невялікі дом. Будынак знаходзіцца на зямельным участку плошчай 0,1 гектара, за арэнду якога ён штогод плаціць каля 1,78 рубля.” - а для фермераў і бізнеса выканкамы ўводзяць павышаючыя каэфіцыенты на арэнду і зямельныя падаткі, у выніку кошты дасягаюць тысячы $..... “Краіна для жыцця”.
0
Андрюха Горец (Беларусь Витебск ) / адказаць
16.04.2020 / 15:43
 Правильно сделал - что купил пару деревень  (Для НАС ) !! )))) Ты Серёга когда что то покупаешь у Лукавого  . всегда имей в виду то что ты покупаешь не Для Себя--- а ты покупаешь для НАС !  ........................  Так что Серёга - тебе Заранее  Спасибо ! )))
0
Павел з Мiнску / адказаць
02.05.2020 / 19:12
От таких статей у людей одно чувство -- ненависть.
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2019 2020 2021
май чэрвень ліпень
ПН АЎ СР ЧЦ ПТ СБ НД
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30