Даслаць навіну
Знайсці
15.04.2020 / 12:59 17

Паглядзіце, як маштабна ў 17-м стагоддзі выглядаў замак у Смалянах ВІДЭА

У вёсцы Смаляны Аршанскага раёна знаходзіцца знакаміты замак «Белы Ковель». Энтузіяст Ахрэм Белабровік, стваральнік праекта VKL3D, уявіў, як мог выглядаць замак у 17 стагоддзі. Піша TUT.BY.

— Выкарыстоўваў усе магчымыя крыніцы, — кажа Белабровік TUT.BY. — У першую чаргу — усе магчымыя даследаванні (нашыя і папярэднія), папярэднія рэканструкцыі, вынікі раскопак і замалёўкі таго часу (у першую чаргу — Напалеона Орды і Юзафа Пешкі). Атрымалася займець нават невядомыя выявы, якія прадэманстравалі замак з іншага боку.

Першапачаткова планавалася прадставіць праект для працягу выставы ў Нацыянальным гістарычным музеі «Апыніся ў сэрцы Гісторыі». Але з-за эпідэміі выставу давялося перанесці. Таму было прынята рашэнне выкласці праект у адкрыты доступ.

— Зрабілі гэта больш для эмоцый, для хоць якога магчымага пазітыву сярод усіх гэтых цяперашніх жахаў. Таму я пісаў у анатацыі для роліка ў Youtube: «Не пакідайце ж свае цытадэлі! Усё адновіцца!». Проста глядзіце, ганарыцеся сваёй гісторыяй і атрымлівайце асалоду.

Будаўніцтва бастыённага замка пачалося ў 1620-х гадах. Побач знаходзілася мяжа з Расіяй, з якой ваявала Рэч Паспалітая. Але архітэктары ўсё ж стваралі рэзідэнцыю роду Сангушак, а не ваенныя ўмацаванні. Таму «Белы Ковель» меў рысы палаца ў стылі эпохі Рэнесансу.

Падчас Паўночнай вайны ў замку размясціўся гарнізон шведаў (гаспадар замка выступіў на іх баку). У 1708-м казакі Пятра I ўзялі «Белы Ковель» і разрабавалі яго. Пасля гэтага Сангушкі пераехалі ў Гродна, а замак стаў прыходзіць у запусценне.

Павялічыць

Руіны замка. Фота: globus.tut.by

Пасля паўстання 1830—1831 гадоў «Белы Ковель» канфіскавалі ў Сангушкаў і перадалі ва ўласнасць калежскага асэсара Васіля Сямёнава. Яго сын прадаў паўразбураны замак «на цэглу». У выніку ад замка засталіся толькі руіны самай высокай пяціяруснай вежы, якая захавалася да нашых дзён.

NN.by

Хочаш падзяліцца важнай інфармацыяй
ананімна і канфідэнцыйна?

0
алесь менски / адказаць
16.04.2020 / 10:19
У Смалянах, акрамя замку, яшчэ тры культавых пабудовы? Две, з іх, руйнуюцца... Чаму, там, не зрабілі кляштар, хай бы і праваслаўны? У Смалянах -- касцёл (вернікаў няма), две царквы.
0
Быхау / адказаць
16.04.2020 / 23:13
РБ есть чем гордиться.
1
Valadzimir / адказаць
17.04.2020 / 23:15
// хамса пісала 15.04.2020 / 23:16 ... колькі разоў я спрачалася з ім і прыводзіла простыя довады кшталту, а што калі вы зменіце імя, то вы што - зробіцеся іншым чалавекам? не працуе гэта з ім)... // ...................................................................................................................................
Гэты довад не тое што просты, а відавочна памылковы і недарэчны. Таму што, па-першае, калі правесьці паралель з назвай народа (этнаса), то ў чалавека ёй адпавядае не імя, а прозьвішча, бо менавіта прозьвішча, падобна назве народа, зьвязвае асобу з папярэднімі пакаленьнямі ягоных продкаў; а вось прозьвішча якраз, і гэта па-другое, "проста так" не мяняюць, таму што яно моцна злучана з духоўна-ментальнай "структурай" нармальнага дарослага чалавека - у цяперашні час зьмену прозьвішча традыцыйна прынята рабіць толькі жанчынам, калі яны выходзяць замуж, але замужжа, як вядома, якраз і робіць жанчыну духоўна-ментальна іньшым чалавекам.
І тут дарэчы будзе прыгадаць слова, якім у 90-я гады беларускія "адраджэнцы" кляймілі русіфікаваных суайчыньнікаў-беларусаў "па пашпарце", якія, па іхнаму меркаваньню, выракліся сваіх нацыянальных каранеў - манкурт. Манкурт - гэта чалавек крэўна таго самага роду-племені, але духоўна-ментальна ён зусім "іньшы", і можа нават быць ненавісьнікам свайго народу. І вось як я разумею сітуацыю, сучасныя беларусы самі і ёсць манкурты, таму што яны, без шкадаваньня адмовіўшыся ад спрадвечнай назвы свайго краю Літва (і ў гісторыі фальсіфікатарскі замяняючы яе на "Беларусь"), гэтым выракліся і сваіх продкаў-літвінаў і іхнай слаўнай літоўскай-"літвінскай" гісторыі.
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2019 2020 2021
май чэрвень ліпень
ПН АЎ СР ЧЦ ПТ СБ НД
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30