Упершыню зафіксавалі выпадак перадачы новага каранавіруса ад нябожчыка

Адной з ахвяр каранавіруснай інфекцыі COVID-19 у Тайландзе стаў судмедэксперт, які, хутчэй за ўсё, заразіўся пры анатаміраванні цела аднаго з загінулых, паведамляе BuzzFeed News. Судмедэксперт памёр.

Лёс супрацоўніка судова-медыцынскай экспертызы з Бангкока стаў першым з вядомых выпадкаў заражэння COVID-19 і смерці людзей, якія маюць справу з целамі ахвяр хваробы.

Адмыслоўцы не выключаюць, што патолагаанатам мог заразіцца каранавірусам не на працоўным месцы, аднак лічаць гэта малаімаверным, бо на момант яго смерці (20 сакавіка) выпадкі заражэння COVID-19 у Тайландзе былі пераважна завазнымі і ў самой краіне сустракаліся рэдка.

NN.by

Хочаш падзяліцца важнай інфармацыяй
ананімна і канфідэнцыйна? Пішыце рэдактару
«Нашай Нівы» ў ТГ

0

0

0

0

0

0