Даслаць навіну
Знайсці
11.04.2020 / 09:54 5

Тэатральны крытык назваў 30 найлепшых спектакляў Беларусі з 1970-х да нашых дзён

Павялічыць

Тэатральны крытык Вячаслаў Ракіцкі выкарыстаў самаізаляцыю для ўпарадкавання ўласнага архіва.

«Нахлынулі шматлікія ўспаміны пра найлепшыя спектаклі беларускіх тэатраў, якія я ў якасці тэатразнаўцы і крытыка пабачыў цягам апошніх сарака гадоў, — піша ён у сябе ў фэйсбуку. — І міжволі склаўся мой суб’ектыўны рэйтынг найлепшых спектакляў нашай краіны.

Гэта мая асабістая трыццатка самых знакавых пастановак у драматычных тэатрах, — падкрэчлівае ён. — Я ўлічваў сугучнасць спектакляў свайму часу, узровень іх мастацкасці і прафесійнай дасканаласці, уплыву на развіццё нацыянальнай культуры ўвогуле і тэатральнага працэсу ў прыватнасці, арыгінальнасць рэжысуры, наяўнасць выдатных акцёрскіх працаў, а таксама міжнароднае прызнанне.

Натуральна, не маглі на гэты рэйтынг не ўплываць і мае асабістыя густы і нават мой ўнутраны стан у час, калі я глядзеў гэтыя сцэнічныя творы, — прызнае Ракіцкі. — Адзінае, што мяне ніяк і ніколі не цікавіла, як не цікавіць і сёння — гэта самавыяўленне рэжысёраў, адарванае ад мастацтва і жыцця. Гэта іхняя прыватная справа, яе я пакідаю ў баку.

Складзены мною спіс я рэкамендаваў бы і для вывучэння гісторыі беларускага тэатра ў творчых ВНУ. Зрэшты, многія з іх, што былі пастаўленыя да сярэдзіны 1990-х, я ўключаў у вучэбную праграму Беларускай акадэміі мастацтваў, Беларускага ўніверсітэта культуры і Інстытута сучасных ведаў у 1990-я гады, калі я там выкладаў паводле складзеных мною праграмаў.

Пачынаю з 30-га месца і завяршаю 1-м.

30. «Пінская шляхта» В.Дуніна-Марцінкевіча. Рэжысёр М.Пінігін. 2008 г. Тэатр імя Янкі Купалы.

29. «Слон» А.Капкова. Рэжысёр В.Сімакін. 1978 г. Горадзенскі аблдрамтэатр.

28. «Валянцінаў дзень» І.Вырыпаева. Рэжысёр В.Еранькова, 2007 г. Тэатар імя Максіма Горкага

27. «Каралева прыгажосці» М.Макдонаха. Рэжысэр В.Краўчанка. 2018. Гомельскі гарадскі моладзевы тэатр.

26. «Дзіця з Бэтлеема». Рэжысёр М.Пінігін. 1992 г. Менскі тэатр-студыя кінаакцёра.

25. «Узлёт Артура Уі, які можна было спыніць» Б. Брэхта. Рэжысёр В.Мазынскі. 1997 г. Рэспубліканскі тэатр беларускай драматургіі («Вольная сцэна»)

24. «Пагарэльцы» А.Макаёнка. Рэжысёр В.Раеўскі. 1980 г. Тэатр імя Янкі Купалы.

23. «Аповесць пра бяздомных сабак» К.Сергеенкі. Рэжысёр М.Пінігін. 1980 г. Тэатр імя Максіма Горкага.

22. «Стрып-тыз» С.Мрожка. Рэжысёр Р.Таліпаў. 1989 г. Тэатр-студыя на плошчы Перамогі (Менск).

23. «Рычард ІІІ» У.Шэкспіра. Рэжысёр В.Анісенка. 1995 г. Рэспубліканскі тэатр беларускай драматургіі («Вольная сцэна»).

22. «Зацюканы апостал» А. Макаёнка. Рэжысёр Б.Луцэнка. 1971 г. Тэатар імя Янкі Купалы.

21. «Зялёная птушка» К.Гоцы. Рэжысёр М.Шыйко. 1972 г. Беларускі тэатр юнага гледача.

20. «Здань» паводле Ф.Аляхновіча. Рэжысёр М.Трухан. 1995 г. Тэатар «Дзе-я?».

19. «ART» Я.Рэзы. Рэжысёр М.Пінігін. 1998 г. Менскі Малы тэатр.

18. «Гульня з кошкай» І.Эркеня. Рэжысэр Б.Эрын. 1976 г. Тэатр імя Янкі Купалы

17. «Гаральд і Мод» К. Хігінса і Ж. К. Кар'ер. Рэжысёр М.Пінігін. 1986 г. Тэатр імя Янкі Купалы

16. «Гамлет» У. Шэкспіра. Рэжысёр Б. Луцэнка. 1990 г. Тэатр-студыя кінаакцёра.

15. «Трагедыя чалавека» І. Мадача. 1979. Рэжысёр Б. Луцэнка. Тэатр імя Максіма Горкага.

14. «Тутэйшыя» Янкі Купалы. Рэжысёр В. Маслюк. 1982 г. Магілёўскі аблдрамтэатр.

13. «Сымон-музыка» Якуба Коласа. Рэжысёр В.Мазынскі. 1976 г. Тэатр імя Якуба Коласа.

12. «Трохграшовая опера» Б. Брэхта. Рэжысёр Б. Луцэнка. 1976. Тэатр імя Максіма Горкага.

11. «Радавыя» А. Дударава. Рэжысёр В. Раеўскі. 1985. Тэатр імя Янкі Купалы.

10. «Бэмбі» Ф. Зальтана. Рэжысёр Ю. Міроненка. 1979 г. Беларускі тэатр юнага гледача.

9. «Камедыя» У. Рудава. Рэжысёры А. Андросік, У. Рудаў. 1992 г. Альтэрнатыўны тэатр, Менск.

8. «Званы Віцебска» У. Караткевіча. Рэжысёр В. Мазынскі. 1974 г. Тэатр імя Якуба Коласа.

7. «Што той салдат, што гэты» Б. Брэхта. Рэжысёр В. Раеўскі. 1969 г. Тэатр імя Янкі Купалы.

6. «Тутэйшыя» Янкі Купалы. Рэжысёр М. Пінігін. 1990. Тэатр імя Янкі Купалы.

5. «Клеменс» К. Саі. Рэжысёр В. Маслюк. 1980 г. Тэатр імя Якуба Коласа.

4. «Трыбунал» А. Макаёнка. Рэжысёр В. Раеўскі. 1971 г. Тэатр імя Янкі Купалы.

3. «Знак бяды» В. Быкава. Рэжысёр В. Маслюк. 1985 г. Тэатр імя Максіма Горкага.

2. «Макбэт» У. Шэкспіра. Рэжысёр Б. Луцэнка. 1974 г. Тэатр імя Максіма Горкага.

1. «Раскіданае гняздо» Янкі Купалы. Рэжысёр Б. Луцэнка. 1972 г. Тэатр імя Янкі Купалы

NN.by

Хочаш падзяліцца важнай інфармацыяй
ананімна і канфідэнцыйна?

0
Мордехай В. / адказаць
11.04.2020 / 11:03
БТ магло б на адным з 5 каналаў арганізаваць прагляд замест расійскіх быдла-серыялаў.
0
Minak / адказаць
11.04.2020 / 13:14
Мардэхай. Магчыма прычына ў тым, што пры дэманстрацыі беларускіх спектакляў і наогул беларускай відэапрадукцыі немагчымыя адкаты.
1
Усяслаў / адказаць
12.04.2020 / 01:09
А Пане Каханку і Пан Тадэвуш?

Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2019 2020 2021
май чэрвень ліпень
ПН АЎ СР ЧЦ ПТ СБ НД
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30