Знайсці
09.04.2020 / 22:1617РусŁacБел

У Маскве разглядаюць усе пнеўманіі як каранавірусныя, бо выявілася, што дакладнасць расійскіх тэстаў усяго 70-80%

Маскоўскія дактары вырашылі аб'яднаць стацыянары для лячэння каранавіруса і пнеўманіі ў адзіную сістэму і змяніць маршрутызацыю пацыентаў. 30% расійскіх тэстаў для выяўлення COVID-19 могуць даць ілжывы вынік, паведамляе РБК.

Галоўныя ўрачы маскоўскіх клінік, якія ўвайшлі ў склад клінічнага камітэта па барацьбе з каранавірусам, прапанавалі не падзяляць стацыянары для лячэння COVID-19 і пнеўманіі. Пра гэта гаворыцца ў паведамленні аператыўнага штаба па кантролі і маніторынгу сітуацыі з каранавірусам у Маскве.

Камітэт быў створаны 8 красавіка. Адной з першых прапаноў медыкаў стала ўключэнне бальніц для лячэння каранавіруснай інфекцыі і пнеўманіі ў адзіную сістэму. Як адзначылі ў штабе, большасць выпадкаў пнеўманіі зараз выклікана новым каранавірусам. Там таксама прывялі словы галоўнага лекара бальніцы ў Камунарцы Дзяніса Працэнкі, які лічыць, што цяпер у першую чаргу трэба ацэньваць клінічную карціну і не чакаць выніку тэстаў для выяўлення COVID-19, дакладнасць якіх складае 70-80%.

NN.by

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера