Мінгарвыканкам: Запасаў прадуктаў у рознічнай сетцы і на складах дастаткова
Таварныя запасы, перш за ўсё прадукты харчавання, у тым ліку імпартныя, ёсць у рознічным гандлі Мінска і на складах у дастатковай колькасці, паведаміла БЕЛТА начальнік галоўнага ўпраўлення гандлю і паслуг Мінгарвыканкама Ніна Емяльянава.
Упраўленне штодзень адсочвае паўнату прадстаўленага асартыменту і запасы тавараў у сталічным гандлі.
«Сітуацыя з таварным забеспячэннем насельніцтва Мінска ў рознічнай гандлёвай сетцы стабільная. Тым больш што і пакупнікоў стала менш, часткова людзі перайшлі на дастаўку на дом. Попыт на прадукты харчавання ўмераны і цалкам задавальняецца, — запэўніла Ніна Емяльянава. — Да гэтага часу мы маем шырокі асартымент прадукцыі. Па шэрагу тавараў, такіх як мяса, сыр, масла, малако, хлеб, яйкі, забяспечыць патрэбу ў поўным аб'ёме атрымліваецца за кошт прадукцыі айчыннай вытворчасці».
Таксама ў гандлю і аптовых прадстаўнікоў, буйных імпарцёраў збіраецца інфармацыя пра наяўнасць тавараў крытычнага імпарту, такіх як грэчка, рыс, імпартны алей (па іх некаторы час таму назіраўся павышаны попыт). «Запасы па гэтых відах прадукцыі ў рознічным гандлі і на складах ёсць», — дадала Ніна Емельянава.
