У Расіі пачынаюць масавае бескантактавае тэставанне на каранавірус у хатніх умовах
У Расіі пачнуць выяўляць каранавірус на ранніх стадыях з дапамогай высокадчувальнай тэст-сістэмы, распрацаванай навукоўцамі Цэнтральнага НДІ эпідэміялогіі, піша ТАСС.
Цэнтр малекулярнай дыягностыкі Расспажыўнагляду (CMD) з 6 красавіка пачне масавы скрынінг усіх жадаючых праверыцца на COVID-19. Тэст дазваляе выявіць інфекцыю на ранніх стадыях захворвання, а таксама выявіць каранавірус у людзей з нявыражанымі прыкметамі.
Працэдура адбываецца дома практычна бескантактавым спосабам, каб не парушаць рэжым самаізаляцыі грамадзян. Спецыяліст выязной службы Цэнтра малекулярнай дыягностыкі прывозіць дыягнастычны набор заказчыку, інструктуе, як узяць мазок, а затым забірае біяматэрыял. Вынік дасылаюць на працягу двух дзён на электронную пошту.
«У клінічных выпрабаваннях тэст паказаў высокую адчувальнасць і спецыфічнасць, г.зн. магчымасць атрымаць ілжэадмоўны і ілжэстаноўчы вынік выключаная», — удакладняе Расспажыўнагляд.
Таксама паведамляецца, што тэставанне будзе праводзіцца на камерцыйнай аснове для жыхароў Масквы і Маскоўскай вобласці. «Вядзецца праца па пашырэнні сеткі і ахопу ўсіх рэгіёнаў», — тлумачыць ведамства.
