«Белавія» даставіла ў Мінск 60 беларускіх турыстаў з Індыі

6 красавіка ў 2.20 у Нацыянальным аэрапорце «Мінск» прызямліўся самалёт «Белавія». На яго борце былі 105 пасажыраў — з іх больш за палову беларускія турысты, якія не маглі выехаць з Індыі, піша tut.by.

У МЗС удакладнілі, што на борце каля 60 беларускіх грамадзян. «Гэты рэйс авіякампаніі «Белавія» таксама вывез грамадзян Расіі, Украіны і Таджыкістана», — паведаміў афіцыйны прадстаўнік МЗС Беларусі Анатоль Глаз.

У Індыі застаюцца яшчэ некалькі беларускіх турыстаў, МЗС працуе над іх вяртаннем дадому.

З 4 красавіка Расія спыніла вываз сваіх суграмадзян з-за мяжы.

NN.by

Хочаш падзяліцца важнай інфармацыяй
ананімна і канфідэнцыйна? Пішыце рэдактару
«Нашай Нівы» ў ТГ

0

0

0

0

0

0