Даслаць навіну
Знайсці
05.04.2020 / 17:55 25

Іх няма. У Віцебску яшчэ адна жанчына з каранавірусам памерла, але не з'явілася ні ў якіх зводках. Яе дачка пайшла ў СМІ

Павялічыць

Галіна Шастоўская згарэла за 5 дзён.

54-гадовая работніца цэха фабрыкі «Чырвоны Кастрычнік» Галіна Шастоўская захварэла на пнеўманію 23 сакавіка і памерла 28 сакавіка, піша TUT.BY. 29 сакавіка доктар паведаміў яе дачцэ, што аналіз на каранавірус быў станоўчы. Таму жанчыну хавалі ў закрытай труне.

Аднак 31 сакавіка Мінздароўя абвясціла пра першую смерць ад каранавіруса — заслужанага артыста Беларусі Віктара Дашкевіча, які памёр у той жа дзень і пра смерць якога сям'я ў той жа ранак паведаміла ў СМІ. Пры гэтым Мінздароўя і іншыя прадстаўнікі ўладаў акцэнт зрабілі на тым, што гэта быў стары чалавек, абцяжараны хранічнымі хваробамі.

Пра смерць Галіны Шастоўскай афіцыйнай інфармацыі не было дагэтуль, і таму яе сям'я вырашыла расказаць яе гісторыю ў СМІ.

Шастоўская працавала на фабрыцы, якая з 14 сакавіка была закрытая на каранцін — імаверна, у сувязі з выяўленнем каранавіруса ў работнікаў.

Дачка жанчыны Ганна Салаўёва расказвае, што ні кашлю, ніякіх іншых сімптомаў у мамы не было. Турбаваў толькі павышаны ціск. З ім яна і пайшла ў паліклініку 23 сакавіка. Там разумны доктар адправіў жанчыну на флюараграфію. Высветлілася, што ў яе — пнеўманія правай верхняй долі лёгкага. Ёй далі накіраванне ў супрацьтуберкулёзны дыспансер.

Як і ў выпадку з Віктарам і Святланай Дашкевічамі, там яе не паклалі, бо не было месцаў.

Яе перанакіравалі, як і парай дзён раней Дашкевічаў, у скурна-венералагічны дыспансер, перапрафіляваны пад размяшчэнне людзей з пнеўманіямі. Ён быў таксама перапоўнены. Шастоўская ляжала ў адной палаце з яшчэ шасцю пацыентамі.

У ноч на 25 сакавіка ў Галіны пачаўся кашаль, узніклі праблемы з дыханнем. А 26 сакавіка паставілі дыягназ — двухбаковая пнеўманія, яе перавезлі ў рэанімацыю. Вечарам 28 сакавіка з бальніцы патэлефанавалі і выказалі спачуванне.

На наступны дзень прыйшоў вынік тэсту на каранавірус — ён быў станоўчы, запэўнівае дачка.

У пасведчанні аб смерці, як і ў памерлага 30 сакавіка віцебскага акцёра Віктара Дашкевіча, стаіць код J18.9 («пнеўманія неўдакладненая»).

«Я спросила в морге: «А что вы напишете в посмертном эпикризе?» — «То, что и написано: «пневмония неуточненная». — «А то что положительный результат на коронавирус — с этим как быть?» — «Нам никаких распоряжений на этот счет не давалось». Я настаивала, чтобы в документы внесли и сведения про результат теста на COVID-19. У меня спросили: «Зачем вам это?» — расказвае дачка. 

Ганна кажа, што да гэтага часу не верыць у тое, што адбылося: «Мама згарэла літаральна за пяць дзён. У панядзелак сышла ў паліклініку на сваіх нагах, была ў добрым настроі, жартавала са мной. А ў суботу чалавека не стала!»

Калі жанчына так і не дачакалася, каб пра смерць яе мамы паведамілі, яна звярнулася на Тут.бай, які і апублікаваў гэтую гісторыю. (Падрабязнасці чытайце ТУТ.)

Чаму гэта важна? Па-першае, гэта пытанне праўды і павагі да памяці чалавека. Замоўчванне дыягназу памерлага ў дадзеным выпадку — гэта выкарыстанне яго ў цынічных палітычных мэтах паляпшэння статыстыкі. Па-другое, гэта пагроза жыццю і здароўю іншых людзей. Калі ахвяра каранавіруса не ўлічваецца як такая, не праводзіцца неабходнага назірання за колам яго кантактаў. Дачка Шастоўскай з абурэннем расказала, што ніхто яе не ізаляваў, сям'я сама ізалявалася, разумеючы небяспеку для іншых людзей.

У аналагічнай сітуацыі апынуліся сем'і 58-гадовай Таццяны Хузеевай і 47-гадовай медсястры Святланы Кісялёвай. Яны таксама памерлі ад пнеўманій і, першая дакладна, а другая — імаверна, бо няма ніякай інфармацыі, не трапілі ў статыстыку Мінздароўя. Трагедыя яшчэ і ў тым, што ў Кісялёвай засталася сіратою 7-гадовая дачка. 

Чытайце таксама: Згарэў за пяць дзён. У Віцебску ад каранавіруса памёр 58-гадовы палкоўнік пракуратуры

Чытайце таксама: «Баяліся несці дадому сваю форму». Стала больш вядома пра 47-гадовую медсястру, якая памерла ў Віцебску

Хочаш падзяліцца важнай інфармацыяй
ананімна і канфідэнцыйна?

Таццяна Мацвеева, Tut.by

8
шлёма / адказаць
06.04.2020 / 03:15
Баршчэўскі, я читаю на сайте НН все. Даже брифинги Минздрава, на которых привели статистику о смертности от пневмонии за первых три месяца в прошлом году, и она оказалась МЕНЬШЕ, чем за такой период этого года.
1
litwin / адказаць
06.04.2020 / 11:21
Qwertyuiop,

кіраўніцтва з гораду набудзе патрэбныя паперкі і не прыйдзе,  сялян  з абшчагаў выганяць на смерць верную
Хочу видеть весь БРСМ и прочий совок 9 мая на параде! https://nn.by/?c=ar&i=249368#startcomments

0
Лісей / адказаць
07.04.2020 / 15:43
Хоць адзін вучоны можа дакладна сказаць вірус смяротны ці не? Ад пнеўманіі людзі і у 2019 годзе паміралі.
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2019 2020 2021
ПН АЎ СР ЧЦ ПТ СБ НД
1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31